Maxsus qism iqtisodiyot sohasidagi jinoyatlar. Ekologiya sohasidagi jinoyatlar

NOTA BENE ! 
Iste’molchilarning hayoti va sog‘lig‘i xavfsizligi talablariga javob 
bermaydigan tovarlar, ishlar, xizmatlar 
deganda, odatdagi sharoitlarda 
iste’mol qilish, foydalanish, saqlash, tashish yoki o‘tkazish, utilizatsiya 
qilish, shuningdek, ish yoki xizmatlar natijasidan foydalanish natijasida 
iste’molchilarning hayoti, sog‘lig‘iga zarar yetkazishi mumkin bo‘lgan 
tovar, ish yoki xizmat tushuniladi. 
Tovarlarning (ish, xizmat) sifati va xavfsizligiga qo‘yiladigan majburiy 
talablar quyidagi 
normativ hujjatlarda 
belgilanadi: standartlar va shunga 
tenglashtirilgan boshqa hujjatlar (qurilish normalari va qoidalari), texnik 
shartlar, texnik tavsiflar va boshqa hujjatlar. 
Mahsulotlarning belgilangan talablarga muvofiqligini tasdiqlash uchun 
tovarlar (ish, xizmat)ni 
sertifikatlashtirishdan 
o‘tkaziladi. O‘tkazilgan 
sifat bo‘yicha sertifikatlashtirishdan so‘ng tegishli organlar tomonidan 
muvofiqlik sertifikati 
beriladi. 
Muvofiqlik sertifikati 
— sertifikatlangan mahsulotning belgilangan 
talablarga muvofiqligini tasdiqlash uchun sertifikatlashtirish tizimi 
qoidalariga binoan berilgan hujjat. 
Sertifikatlashtirish majburiy va ixtiyoriy tusda bo‘ladi. 
Majburiy sertifikatlashtirish 
ishlab chiqarishni tekshirishni, mahsulot 
xususiyati normativ hujjatlar talablariga muvofiqligini aniqlash uchun uni 
sinashni, nazorat yo‘sinidagi tekshiruvni va sertifikatlangan mahsulot 
ustidan nazoratni o‘z ichiga oladi («Mahsulotlar va xizmatlarni 
sertifikatlashtirish to‘g‘risida»gi Qonunning 11-moddasi). 
Sertifikatlashtirilishi shart bo‘lgan mahsulotlarning ro‘yxatini O‘zbekiston 
Respublikasi Vazirlar Mahkamasi tasdiqlaydi («Mahsulotlar va 
192 

---

xizmatlarni sertifikatlashtirish to‘g‘risida»gi Qonunning 10-moddasi). 
«Mahsulotlar va xizmatlarni sertifikatlashtirish to‘g‘risida»gi 
Qonunning 12-moddasiga ko‘ra: «Majburiy sertifikatlashtirilishi lozim 
bo‘lgan mahsulotlar quyidagi hollarda: sertifikatlashtirishga taqdim 
etilmagan bo‘lsa; sertifikatlashtirish talablariga muvofiq emasligi sababli 
sertifikatlashtirishdan o‘tmagan bo‘lsa; 
agar sertifikatning amal qilish muddati tugagan yoki uning amal qilishi 
to‘xtatib qo‘yilgan (bekor qilingan) bo‘lsa, O‘zbekiston Respublikasi 
hududida realizatsiya qilinishi mumkin emas. 
Qonunga xilof tarzda muvofiqlik belgisi bosilgan mahsulotlarni 
realizatsiya qilish man etiladi». 
O‘zbekiston Respublikasi «Mahsulotlar va xizmatlarni 
sertifikatlashtirish to‘g‘risida»gi Qonunining 17-moddasiga ko‘ra, har 
qanday mahsulot normativ hujjatlarning talablariga muvofiq ekanligini 
tasdiqlash uchun u yuridik va jismoniy shaxsning tashabbusi bilan