Maxsus qism iqtisodiyot sohasidagi jinoyatlar. Ekologiya sohasidagi jinoyatlar

JK 186-moddasida 
nazarda tutilgan jinoyatning 
jabrlanuvchisi 
iste’molchi hisoblanadi, «iste’molchi — foyda chiqarib olish bilan bog‘liq 
bo‘lmagan holda shaxsiy iste’mol yoki boshqa maqsadlarda tovar sotib 
oluvchi, ish, xizmatga buyurtma beruvchi yoxud shu niyatda bo‘lgan 
fuqaro (jismoniy shaxs)» («Iste’molchilarning huquqlarini himoya qilish 
to‘g‘risida»gi Qonunning 1-moddasi 2-qismi). 
Jinoyat 
obyektiv tomondan 
iste’molchilarning hayoti yoki sog‘lig‘i 
xavfsizligi talablariga javob bermaydigan tovarlarni o‘tkazish maqsadini 
ko‘zlab ishlab chiqarish, saqlash, tashish yoxud o‘tkazish, ishlar bajarish 
yoki xizmatlar ko‘rsatishda namoyon bo‘ladi. 
Xavfsizlik talablariga javob bermaydigan tovarlar ishlab chiqarish 
kelgusida iste’molga chiqarish uchun bevosita ishlab chiqarish tayyorlash 
faoliyatini amalga oshirishda namoyon bo‘ladi. 
Tahlil qilinayotgan normada 
tovarlarni saqlash 
kelgusida realizatsiya 
qilishga mo‘ljallangan iste’molchilar xavfsizligi talablariga javob 
bermaydigan mahsulotlarni vaqtinchalik maxsus saqlash uchun 
mo‘ljallagan joylarga joylashtirishdan iborat. 
194 

---

Tovarlarni tashish 
deganda, iste’molchilarning hayoti va sog‘lig‘iga 
xavf tug‘diruvchi va realizatsiya qilishga tayyor bo‘lgan mahsulotlarni har 
qanday usullar bilan transportirovka qilishni tushunish lozim. 
Iste’molchilarning hayoti yoki sog‘lig‘i xavfsizligi talablariga javob 
bermaydigan tovarlarni o‘tkazish 
ushbu tovarlarni bozorga chiqarish 
yoki bevosita iste’molchilarga sotishda namoyon bo‘ladi.
Bunda tovarlarni bozorga chiqarish deganda, ishlab chiqaruvchi — 
tayyorlovchi tomonidan buyurtmachi (iste’molchi)ga tayyor tovarlarni 
jo‘natish (o‘tkazish)ni, iste’molchilarga sotish deganda esa, ushbu 
tovarlarni chakana va ulgurji savdo tashkilotlari xodimlari tomonidan 
sotilishini tushunish lozim.