Maxsus qism iqtisodiyot sohasidagi jinoyatlar. Ekologiya sohasidagi jinoyatlar

JK 183-moddasi 2-qismiga ko‘ra, 
subyekt tomonidan qaror 
(ko‘rsatma)ning muddatida bajarilmasligi jinoyatni 
tugallangan 
deb 
topishga olib keladi. Bu muddatga, shuningdek, subyektning arizasi 
bo‘yicha unga berilgan qo‘shimcha muddatlar ham kiradi. 
Monopoliyaga qarshi qonun hujjatlarini monopoliyaga qarshi organning 
qaror (ko‘rsatma)larini bajarmaslik yoki bajarishdan bo‘yin tovlash 
shaklida buzish harakatlari ma’muriy preyuditsiya mavjud bo‘lganda 
ijtimoiy xavfli hisoblanadi. 
Subyektiv tomondan JK 183-moddasi 2-qismida 
nazarda tutilgan 
jinoyat ham 
qasddan 
(bo‘yin tovlash) sodir etilishi mumkin. Ushbu 
qilmishning 
maqsad 
va 
motivlari 
turlicha bo‘lsa ham, uning 
kvalifikatsiya qilinishiga ta’sir etmaydi. 
Jinoyatning 
subyekti 
O‘zbekiston Respublikasi Monopoliyadan 
chiqarish, raqobat va tadbirkorlikni qo‘llab-quvvatlash davlat qo‘mitasiga 
tegishli ma’lumotlarni taqdim etish majburiyati yuklatilgan 16 yoshga 
to‘lgan shaxs hisoblanadi. Tadbirkorlik faoliyati bilan shug‘ullanuvchi 
tijorat va notijorat tashkilotlarining rahbarlari, yakka tartibdagi 
tadbirkorlar, shuningdek, xo‘jalik subyektlari bilan kelishib yoki mustaqil 
ravishda harakat qila oladigan ijro va boshqaruv organlarining mansabdor 
shaxslari subyekt bo‘lishi mumkin. 
Agar monopoliyaga qarshi qonunchilikni buzish davlat organining 
mansabdor shaxsi tomonidan sodir etilgan bo‘lsa (masalan, ustav 
fondining 35 foiz aksiyasini (ulushini) sotib olganligi haqidagi ma’lumotni 
taqdim etmaslik), ishning mavjud holatlaridan kelib chiqib uning 
159 

---

harakatlari jinoyatlar majmui tariqasida 
JK 183-moddasi 
va 205-, 207-
moddalari yoki JK 208-moddasi bo‘yicha kvalifikatsiya qilinadi.