O'zbekiston Respublikasi Oliy va o’rta-maxsus ta’lim Vazirligi Toshkent Davlat stomatologiya institute Buxoro filiali

 

---

245 
Bo’lmachalar titrashi
Bu xildagi yurak maromining buzilishi hilpillovchi aritmiyaning 
kelib chiqishiga o’xshab ketadi. Titroq aritmiyasida bo’lmachada hosil 
bo’ladigan impuls minutiga 250-300 martadan oshmaydi va ularning 
Ashof-Tovar tugunidan o’tishi ko’pincha ritmik bo’ladi. Bo’lmachadagi 
impulslarning 2, 3, 4 tasi qisman atrioventrikulyar qamal bo’lganligi 
uchun qorinchalarga o’tadi. EKGda me’yordagi P tishi o’rniga baland 
to’lqinlarning har biri qorincha kompleksidan oldin Ashoff-Tovar 
tugunidan o’tgan impulslarga bog’liq bo’ladi. 
Qorinchalarning tebranishi va titrashi. 
Bu xildagi aritmiya yurakning xavfli aritmiyasi hisoblanadi. Bunda 
yurak mushaklari alohida-alohida qisqarishi sababli gemodinamika tezda 
o’zgarib, o’limga olib keladi. EKGda tartibsiz, o’zgargan tishlarning 
ajratib bo’lmaydigan kompleksi kuzatiladi. 
Davolash;
Dieta asosiy o’rin egallaydi va K, Mg mikroelementlarga 
boy maxsulotlar (o’rik, mayiz, kartoshka) ko’proq istemol qilish tavsiya 
qilinadi. 
NaCl tuzini cheklash, Ca mikroelementini cheklash (sut 
maxsulotlari). 
Atsetilsalitsil kislotasiga boy maxsulotlarni istemol qilish kerak 
(sitrusli mevalar). 
1. Antiaritmik preparatlar, membranostabilizatorlar (xinidin; 
novokainamid; aymalin; lidokain; β-adrenoretseptor blokatorlari-
anaprilin; obzidan; inderal). 
2. Kaltsiy antagonistlari (izoptin; finoptin; verapamil);
3. Kaliy preparatlari (panangin, asparkam, kaliy orotat, kaliy xlor); 
4. Metabolik jarayonlarni yaxshilash uchun (kokorboksilaza, 
riboxin, mildronat, ripronat); 
5. Sedativ tasir qiluvchi (brom, bromkamfora, valeriana); 
6. Qon bosimini ko’tarish uchun (noradrenalin); 
7. Vagotrop tasir qiluvchi dorilar (atropin, bellataminal, belloid); 
Atrioventrikulyar qamal bo’lganda β-adrenostimulyatorlar (izadrin, 
izuprel, izoproteronol, atenolol, lizinopril, berlipril);