Махсус таълим вазирлиги

 

---

134 
Асосий воситалар таъмирланишини ҳисобга олиш 
Асосий воситалар вақти-вақти билан 
таъмирланиб турилади. Бу эса, ўз навба-
тида, улардан фойдаланиш муддатини узай-
тиради. 

Асосий воситалар таъмирланиши ҳисобининг вазифалари қуйи-
дагилардан иборат: 
- бажарилган таъмирлаш ишларининг таннархи ва ҳажмини тўғри 
ва ўз вақтида аниқлаш; 
- таъмирлаш билан боғлиқ харажатларнинг маҳсулот ѐки бажа-
рилган иш таннархига тўғри ўтказилишини таъминлаш; 
- таъмирлаш ишлари учун ажратилган маблағдан тўғри фойда-
ланилиши устидан назорат олиб бориш; 
- таъмирлаш ишларининг ўз вақтида ва яхши сифатли қилиб олиб 
борилиши устидан назорат олиб бориш ва бошқалар. 
Таъмирлаш харажатлари икки хил усул билан тегишли счѐтларга 
ѐзилиши мумкин: 
- таъмирлаш бўйича ҳамма харажатларни вужудга келиш 
жараѐнида ишлаб чиқариш харажатлари счѐтларига ѐзиш билан; 
- махсус резерв фонди ташкил қилиш йўли билан. 
Резерв фондининг ташкил қилиниши асосий воситалар таъмир-
лаш харажатларини йил давомида маҳсулот ва бажарилган иш, хиз-
мат таннархига бир текис ўтказилишини таъминлайди.
Таъмирлаш ишларини олиб бориш учун резерв хўжалик юритув-
чи субъектда Ўзбекистон Республикаси Молия вазирлиги рухсати 
бўйича ташкил бўлади. Резерв суммаси ҳар ойда, корхона томонидан 
мустақил белгиланадиган норматив миқдорда маҳсулот таннархига 
қўшилади. Норматив беш йил муддатга қатъий белгиланган суммада 
ишлаб чиқилиши лозим ѐки асосий воситалар дастлабки қийматига 
нисбатан фоиз кўринишида бўлади.
Резерв суммасининг тўғри ташкил қилинганлиги ва ундан тўғри 
фойдаланиш вақти-вақти билан текшириб турилади.
Текшириш смета, ҳисоб-китоб маълумотлари асосида амалга 
оширилади. Резерв суммаси 8910- «Келгусида қилинадиган харажат 
ва тўловлар резерви» счѐтида ҳисоб қилинади. 
Таъмирлаш ишлари хўжалик ѐки пудрат усулида олиб борилади. 
Хўжалик усулида таъмирлаш ишлари хўжалик юритувчи субъектнинг 
ремонт-механика цехи ѐки асосий ишлаб чиқариш цехлари ишчилари 

---

135 
томонидан бажарилади. Пудрат усулида эса таъмирлаш ишлари 
махсус ремонт-қурилиш ташкилоти томонидан шартнома асосида 
бажарилади. 
Таьмирлаш ишлари пудрат усулида бажарилса, тугалланган таъ-
мирлаш ишлари «қабул-топшириш далолатномаси» ҳужжати билан 
расмийлаштирилади. Далолатномада таъмирлаш ишларининг смета 
қиймати, ҳақиқий қиймати, объектнинг номи ва бошқа маълумотлар 
кўрсатилади.