Н. А. Самиғов, Ф. Д. Жўраева, Сайдуллаев А. Б

Зинапоя конструкцияларига
зина пиллапоялари, майдончалар, ярим 
майдончали пиллапоя ва бошқа буюмлар киради (7.1-расм). Зина 
пиллапоялари мураккаб шаклдаги конструкция ҳисобланади, арматура 
каркаслари ва тўрлари билан арматураланади. 
Зина майдончалари ва пиллапоялар М200 ва М300 маркали оғир ва 
енгил бетонлардан тайёрланади, юзаси мозаика қоришмалари, керамик 
плиткалар билан қопланиши мумкин. Зина конструкциялари ўлчамлари 
биноларнинг типига ва сериясига мос равишда ишлаб чиқарилади. Зина 
пиллапоя ва майдончалари заводда яхлит ҳолда ишлаб чиқарилиши мумкин. 
Жамоат бинолари қурилишида турли мақсадларга мўлжалланган 

---

299 
ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
буюмлар-санитария-техника ва вентиляция блоклари, иситиш панеллари, 
санитария-техника кабиналари, дефлекторлар ва бошқа буюмлар кўплаб 
ишлатилади. 
 Саноат бинолари учун конструкциялар 
Саноат бинолари қурилишида темирбетон пойдеворлар, устунлар, 
тўсинлар, фермалар, аркалар, қаватлараро ва томбоп плиталар ва бошқалар 
ишлатилади. 
Саноат биноларининг ерости қисми конструкцияларига
пойдевор 
блоклари, устунга мўлжалланган пойдеворлар (бошмоқлар) ва бошқалар 
киради. 
16.2-расм. Устунга мўлжалланган пойдевор 
Пойдевор блоклари ва тўсинлари М200-М400 маркали оғир бетондан 
тайёрланади. Тўсинлар кўндаланг кесими трапеция ёки тавр шаклида бўлиб, 
кесимининг баландлиги 400-600мм, узунлиги 4,3 ва 11,96м бўлади. Тўсинлар 
аввалдан тарангланган арматура билан арматураланган ҳолда ишлаб 
чиқарилади. 
Устунлар ўрнатиладиган пойдеворлар тагининг ўлчами 2м гача ва 
баландлиги 1м гача қилиб М150-М300 маркали оғир бетондан тайёрланади 
(2-расм). Пойдевор марказида устун ўрнатиш учун мўлжалланган чуқурча 
(стакан) бўлади. Улар арматура каркаси билан таъминланади.