Н. А. Самиғов, Ф. Д. Жўраева, Сайдуллаев А. Б

ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
Рационал таркибда танланган бетон қоришмасида микрокомпозит 15-
20% ҳажмни, майда ва йирик тўлдиргичлар эса 80-85% ҳажмни эгаллайди. 
Йирик тўлдирувчи ҳосил қилган мажмуани каркас, микрокомпозитни эса 
матрица деб қараш мумкин. 
Минерал боғловчилар ва тўлдиргичларнинг турини ўзгартириб, 
мустаҳкамлиги, деформатив хоссалари, турли эксплуатация шароитларига 
мос келадиган, ўртача зичлиги турлича бўлган ўта оғир, енгил, ўта енгил, 
оловбардош, радиация нурини ўтказмайдиган ва бошқа бетон хилларини 
яратиш мумкин. 
Бетон таркибига цемент массасига нисбатан 0,01-1,0% полимер 
қўшимчалар киритиб, қоришма ва қотган ҳолдаги ҳоссаларини ўзгартирса 
бўлади. Бетонга 15-40% оралиғида (цемент массасига нисбатан) юзаси 
махсус усулларда активлаштирилган дисперс материаллар, масалан, кварц ва 
таркибида кварц бўлган минералларни киритиб бетонга янги хусусиятлар 
бериш ва портландцементни тежаш мумкин. 
Бетонни боғловчи ва тўлдиргичнинг турига, ўртача зичлигига ва 
ишлатиш соҳасига нисбатан классификациялаш мумкин. 
Бетон боғловчининг турига нисбатан қуйидагича классификацияланади: 
цементли, силикатли, гипсли, аралаш боғловчили, махсус боғловчили ва 
бошқалар. 
Тўлдирувчининг турига нисбатан бетоннинг қуйидаги турлари мавжуд: 
Зич, ғовак, махсус тайёрланган тўлдиргичлар. Махсус тўлдиргичларга 
оловга бардошли, кимёвий муҳитларга чидамли, радиация нурларини 
қайтарувчи ва бошқалар киради. 
Оддий оғир бетон учун тўлдиргичлар сифатида махаллий табиий 
тошлар-шағал, чақиқ тош, қумлар ва саноат чиқиндилари-донадор 
металлургия шлаклари ва бошқалар ишлатилади. 
Ўртача зичлигига нисбатан бетон қуйидагича классификацияланади: ўта 
оғир бетон-ўртача зичлиги 2500 кг

м
3
ортиқ. Ўта оғир бетонлар магнетит, 
барит, чўян қириндиси ва бошқа оғир тўлдиргичлар асосида тайёрланади. 

---

203