Gʻarb falsafasida inson.Kosmotsentrizm nuqtayi nazaridan inson
avvalo kosmosning bir qismi sifatida, «kichkina dunyo» sifatida (Demokrit),
ba‘zan jonli organizm sifatida tasavvur qilinadigan makrokosm bilan uzviy
bogʻliq boʻlgan mikrokosm sifatida idrok etiladi
. Antik faylasuflar Koinotni
va unda mavjud tartibni tushunish orqali insonning oʻzini ham anglab etish
mumkin deb hisoblaganlar (Platon, Aristotel). Bunda tafakkur, bilim, aql-
zakovat va donishmandlik muhim rol oʻynagani bois, ular doim
kosmotsentristlar tomonidan yuksak baholangan, inson va uning
qobiliyatlariga baho berishda birinchi oʻringa qoʻyilgan.
Bunday qarashlar Evropa falsafiy anʻanasida V asrgacha, ularning
oʻrnini teotsentrizm konsepsiyasi egallagunga qadar kuzatiladi. Bu
konsepsiyaga muvofiq hamma narsani Xudo belgilaydi.
Teotsentrizm nuqtayi nazaridan insonning mohiyatini anglab etish,
masalan, qadimgi yunon faylasuflari yoki keyingi falsafiy konsepsiyalardagi
kabi oqilona fikrlash yoʻli bilan emas, balki MuqaddasKitobda ta‘riflangan
vahiylar yordamida amalga oshiriladi
. Bu vahiylarni faqat Injil aqidalariga
e‘tiqod qilish orqali tushunib etish mumkin. Teotsentrizm nuqtayi nazaridan
e‘tiqod nuridan charogʻon boʻlgan aql dunyodagi ilohiy tartibning tarkibiy
qismi sanalgan va «Xudoning timsoli» sifatida amal qiladigan insonning
oʻzini emas, balki uning ba‘zi bir jihatlarinigina aniqlashga yordam beradi.
aynii shu sababli xristianlik, Xudoni oliy mohiyat deb e‘tirof etadigan va
insonga U yaratgan banda sifatida qaraydigan boshqa teotsentrik falsafiy
tizimlar kabi, insonni Xudoning oʻzi singari tagiga etish mumkin boʻlmagan
sir, jumboq deb e‘lon qiladi.
Uygʻonish davrida inson oʻzlikni anglash tuygʻusi va ijtimoiy nuqtayi
nazari oʻsishi natijasida oʻz manfaatlarini ifoda eta boshladi. Inson shaxs
sifatida kamol topdi, oʻzini oʻz shaxsiy hayoti va taqdirining bunyodkori
sifatida tobora kuchliroq anglay boshladi. Inson mustaqillikka va tabiatni
oʻziga boʻysundirishga harakat qildi, oʻz ijodiy imkoniyatlari Cheksiz
ekanligiga ishona boshladi. Mazkur qarashlar italyan faylasufi Piko della
Mirandolaning «Inson qadr-qimmati haqida soʻz» deb nomlangan mashhur
asarida oʻz aksini topdi. Tasviriy san‘at, memorchilik, axloq, estetika,
adabiyot va pedagogikani yaxshi tushunadigan har tomonlama komil inson
oʻsha davrning idealiga aylandi. Uygʻonish davri bu idealga toʻla mos
keladigan Leonardo da Vinchi, Alberti Bottichelli, Rafael kabi atoqli
shaxslarni dunyoga berdi.
313
Oʻsha davr falsafasida insonga boʻlgan qiziqishning kuchayishi bilan
bir qatorda tabiatga boʻlgan qiziqish ham tiklandi. N.Kuzanskiy, J.Brunoning
panteistik konsepsiyalari xristianlar Xudosini siqib chiqara boshladi.
Yunonlarning kosmotsentrizmi tabiiysentrizm sifatida qayta anglab etildi.
Bunda antik faylasuflarning markazida Yer joylashgan pirovard kosmos
haqidagi tasavvurlari Cheksiz va markazsiz kosmosga oʻrin boʻshatdi.
Bunday kosmos umumiyroq va kengroq tushuncha – «tabiat» bilan
tenglashtiriladi. Shundan beri u turli falsafiy tizimlarda faol oʻrganiladi.
Xususan, Ma‘rifat davri falsafasida fundamental tushunchaga aylanadi,
SHelling ijodida markaziy oʻrin egallaydi, shuningdek ekologiyaga qarab
moʻljal oluvchi ayrim hozirgi falsafiy konsepsiyalarda dunyo va insonni
tushunishda tayanch nuqtasi hisoblanadi. Mazkur yondashuvga koʻra inson
tabiatning ajralmas qismi sifatida qaraladi. Bunday qarashlarning izchil
tarafdorlari, masalan, XX asrning ikkinchi yarmida rivojlangan ijtimoiy
ekologiya namoyandalari e‘tiborni haddan tashqari keng qaratadigan
tabiatdan uning muayyan qismiga – inson oʻz hayot faoliyatini amalga
oshiradigan biosferaga qaratish lozimligini qayd etadilar va bunda
antropotsentristik qarashlardan voz kechib, ularni biosferotsentrizm bilan
almashtirishni talab qiladilar.
Biosferotsentrizmda falsafiy tadqiqotlar
markaziga inson oʻrniga tabiatni qoʻyish taklif qilinadi va shu tariqa tabiat
inson ehtiyojlari nuqtayi nazaridan qaralmaydi, inson mohiyati va uning
ehtiyojlari esa tabiiy qonunlarni va biosferaning tadrijiy rivojlanish
tendensiyalarini bilish nuqtayi nazaridan tadqiq etiladi.
Yangi davrda insonga qiziqish asosan, ijtimoiy munosabatlardagi
ishtiroki bilan bogʻlanadi.
Yangi davrda insonga biluvchi subyekt sifatida
yondasxildi. Masalan, Dekart insonning mohiyati, oʻziga xos xususiyatini
uning tafakkuri, fikrlash qobiliyatida koʻrdi. XVIII asr fransuz materialist
faylasuflari (Didro, Golbax, Gelvetsiy, Lametri) tabiatshunoslik va mexanika
sohasida erisxilgan hayratomuz yutuqlar ta‘sirida insonning jonini ong bilan,
tanasini esa – avtomat, mashina bilan tenglashtirib, uni mexanistik talqin
qildilar.
Buyuk nemis faylasufi I.Kant (1724–1804) insonni tushunish yoʻlida
muhim qadam tashladi. U inson betakror mavjudot va u haqda alohida
falsafiy mulohaza yuritish mumkin, deb hisoblar edi. aynii vaqtda, u «inson
uchun maktab boʻlib xizmat qiladigan madaniyat sohasidagi barcha
muvaffaqiyatlarning maqsadi oʻzlashtirilgan bilim va koʻnikmalarni amalga
tatbiq etishdan iboratdir. Ammo bu bilimlar tatbiq etilishi mumkin boʻlgan
dunyodagi eng muhim predmet insondir, zero u oʻzi uchun pirovard
maqsaddir»
1
, deb qayd etadi.
1
Кант И. Соч. Т. 6. – М., 1966.– С.351.
314
Dunyoning butun rang-barangligi orasida I.Kant tabiatning turli, lekin
bir-biri bilan uzviy bogʻlangan uch darajasi: notirik tabiat, tirik tabiat va
inson tabiatini farqladi. Uning fikricha, bu darajalarning har birida tabiat oʻz
qonunlariga, chunonchi: notirik tabiat – mexanika qonunlariga, tirik tabiat –
maqsadga muvofiqlikka boʻysunadi, inson tabiati esa erkinligi bilan
tavsiflanadi. aynii vaqtda u inson tabiatini qolgan ikki tabiatga bogʻlash va
ular orqali bilish mumkin emasligini ta‘kidlaydi. Inson tabiatini faqat uning
erkinlikdan kelib chiqadigan oʻz qonunlariga muvofiq anglab etish mumkin.
Shunday qilib, I.Kant inson tabiatning undagi boshqa jonli va jonsiz
obyektlar kabi oʻziga toʻq obyekti hisoblanishi haqidagi fikrni ilgari surish
orqali insonni oʻrganish uchun yangi imkoniyatlar yaratdi va shu tariqa
falsafiy bilimning mustaqil boʻlimi sifatida falsafiy antropologiya‘ning
yaratilishiga yoʻl ochdi.
I.Kantdan keyin nemis klassik falsafasida inson asosan madaniyat
dunyosini yaratuvchi ma‘naviy faoliyat subyekti sifatida, umumiy ideal asos
– ruh, aql manbai sifatida tushunildi. L.Feyerbax (1804–1872) bu
yondashuvga qarshi chiqdi. Oʻsha davrda obyektiv idealizm falsafasida hukm
surgan tushunchalar («gʻoya», «ruh»)ga zid oʻlaroq, u «inson» kategoriyasini
ilgari surdi. Feyerbax insonga tarixiy ma‘naviy rivojlanish mahsuli sifatida
emas, balki avvalo biologik, hissiy-jismoniy mavjudot sifatida yondashib,
undagi tabiiy-biologik asosga murojaat etdi. Unda inson Xudo yaratgan
banda emas, balki tabiatning bir qismi boʻlib, fransuz faylasuflari qayd
etganidek mexanizm emas, balki organizmdir.
Aynii shu sababli Feyerbax falsafasi «antropologik materializm» degan
nom oldi. Uning insonga nisbatan yondashuvi shu bilan tavsiflanadiki,
insondagi tabiiylik va ijtimoiylik materialistik monizm nuqtayi nazaridan
tushuntiriladi. Bu inson bir vaqtning oʻzida notirik va tirik tabiatning tadrijiy
rivojlanishi mahsuli sanalgan biologik mavjudot sifatida ham, mohiyati
ijtimoiy munosabatlar bilan belgilanadigan ijtimoiy mavjudot sifatida ham
qaralishini anglatadi.
XIX
asrdan
boshlab
Evropa
falsafiy
tafakkuri
F.Shelling,
A.Shopengauer, M.Shtirner, S.Kerkegor, F.Nitsshe, N.Berdyaev, A.Bergson
kabi faylasuflarning sa‘y-harakatlari bilan inson mavjudligini individual va
tarixiy muayyanlashtirish sari yuz burdi. Hayot, sezgilar, xohish-iroda,
irratsionallik tushunchalari maxsus falsafiy tahlil predmetiga aylandi va
keyinchalik ekzistensializm, intuitivizm va personalizm falsafasida
rivojlantirildi.
Xususan, ekzistensializm nuqtayi nazaridan obyektiv dunyo – bu
avvalo «inson borligʻi» boʻlib, insondan tashqa‘rida dunyo haqida biron-bir
gap aytish mumkin emas. Inson borligʻi toʻgʻrisida soʻz yuritish oʻrinli
boʻladi, chunki inson borliq xususida savollar beradi, uning mazmunini
tashkil etgan holda uni boshdan kechiradi, anglab etadi.
315
Inson muammosiga Qisqacha tarixiy-falsafiy nazar tashlash XX asr
boshiga kelib falsafada bilimning yangi mustaqil sohasi – inson haqidagi
ta‘limot, ya‘ni falsafiy antropologiya vujudga kelishi uchun barcha shart-
sharoitlar yaratilganini koʻrsatadi.
Do'stlaringiz bilan baham: |