Зиѐвуддин Раҳим, Одилхон қори Юнусхон ўғли

3. “Ихлос”, “Фалақ”, “Нос” сураларини ўқиш. 
Ибн Хубайб ривоят қилади: Биз ѐмғирли, зим-зиѐ тунда йўлга чиқдик. Намоз ўқиб берсинлар, деб 
Расулуллоҳ соллаллоҳу алайҳи ва салламни қидирдик. У зотни топганимизда: 
– Сизлар намоз ўқидингизми? – деб сўрадилар. 
Мен индамадим. У зот: 
– Қул (яъни, айт), – дедилар. 
Мен ҳеч нима демадим. Кейин яна: 
– Қул (айт), – дедилар. 
Мен яна индамай туравердим. У зот яна дедилар: 
– Қул (айт). 
– Ё Расулуллоҳ, нимани айтаман? 
– Қул ҳуваллоҳу аҳад билан муаввизайнни кеч кирганда, тонг отганда уч марта ўқи. Шунда улар сен 
учун кифоя қилади (Абу Довуд, Термизий, Насоий, Аҳмад ривояти. Ривоят санади ҳасан). 
Оиша розияллоҳу анҳодан ривоят қилинади: “Расулуллоҳ соллаллоҳу алайҳи ва саллам оила 
аъзоларидан биронтаси касал бўлиб қолса, муаввизот билан дам солардилар. Вафот этишларидан олдин 
бетоб бўлганларида мен у зотга дам солардим, қўллари билан ўзларини силардим. Чунки у зотнинг қўллари 
меникидан баракалироқ эди” (Муслим ривояти). 
Расули акрам алайҳиссалом “Ихлос”, “Фалақ”, “Нос” сураларини ўқиб ўзларига, оила аъзоларига 
дам солардилар. Агар касал бўлсалар, Оиша розияллоҳу анҳо онамиз Қуръон ўқиб, у зотга дам солганлар. 
Уқба ибн Омир розияллоҳудан анҳу ривоят қилинишича, Расулуллоҳ соллаллоҳу алайҳи ва саллам: 
“Кечаси нозил қилинган суралар ичида бу иккисига тенг келадиганини кўрганмисан? (Улар) “Фалақ” ва 
“Нос” сурасидир”, деганлар (Муслим, Абу Довуд, Термизий, Насоий, Аҳмад ривояти). 
Расулуллоҳ алайҳиссалом айрим дуоларни ўқиб, инс-жинлар кўзидан паноҳ сўраб юрардилар. 
“Фалақ” ва “Нос” сураси тушганидан кейин иккисини ўқишни одат қилганлар, бошқасини тарк этганлар. 
Шунингдек, у зот сеҳрланганларида “Фалақ” ва “Нос” суралари билан шифо топганлар. Бундан чиқди, 
ѐмонликлардан паноҳ сўрашда “Фалақ” ва “Нос” сураларига тенг келадигани йўқ. Мана шу икки сурани 
ўқиб юрган одамга – Аллоҳнинг изни билан – ҳеч қандай шикаст-бало яқин йўламайди.