Narzulla Jo„rayev O„zbekiston tarixi

Mavzuga doir materiallar 
Asosiy makroiqtisodiy ko„rsatkichlar.
2007-yilda YIMning real o„sishi 9,5 
foizni, xususan, sanoatda ishlab chiqarishning o„sish sur‟ati 12,1 foizni, qishloq 
xo„jaligida – 6,1 foizni, qurilishda – 15,7 foizni, aholiga pulli xizmatlar ko„rsatish 
sohasida – 20,6 foizni va eksport hajmining o„sishi esa – 40,7 foizni tashkil etdi. 
YIMning yuqori sur‟atlarda o„sishi xomashyo mahsulotlari yoki jahon bozoridagi 
qulay konyunktura hisobidan emas, balki raqobatbardosh tayyor mahsulotlar ishlab 
chiqarish, xizmat ko„rsatish sohalarini jadal rivojlantirish va ishlab chiqarish 
samaradorligini oshirish evaziga ta‟minlandi. 
Sanoatning
asosiy tarmoqlari hisoblangan yoqilg„i sanoatida ishlab chiqarish 
hajmi 10,1 foizga, qora metallurgiyada 9,6 foizga, kimyo va neft-kimyo sanoatida 
18,0 foizga, mashinasozlik va metallni qayta ishlash sanoatida 28,1 foizga, qurilish 
materiallari sanoatida 14,2 foizga, yengil sanoatda 11,2 foizga va oziq-ovqat 
mahsulotlari ishlab chiqarish 12,2 foizga o„sdi. Shuningdek, o„tgan yilda iste‟mol 
tovarlari ishlab chiqarishning 18,8 foizga, shu jumladan, oziq-ovqat mahsulotlari 
ishlab chiqarishning 13,2 foizga va nooziq-ovqat mahsulotlari ishlab chiqarishning 
22,5 foizga o„sishiga erishildi. 

---

313 
Mashinasozlik sohasidagi o„sish asosan ushbu sohani texnik va texnologik jihatdan 
yangilash hamda rekonstruksiya qilish hisobiga erishildi, jumladan, avtomobillar 
ishlab chiqarish hajmi 22,7 foizga oshdi. 
Qishloq xo„jaligining iqtisodiy o„sishida
davlat ehtiyojlari uchun qishloq 
xo„jaligi mahsulotlari yetishtiruvchilar xarajatlarini moliyalashtirish mexanizmining 
takomillashtirilganligi, qishloq xo„jaligi va unga xizmat ko„rsatuvchi korxonalar 
moddiy-texnika bazasining yaxshilanganligi muhim omil bo„ldi. 
2007-yilda yetishtirilgan boshoqli don ekinlari 6,8 mln. tonnani va paxta hosili 3,7 
mln. tonnani tashkil etdi. O„z navbatida ularning 2006-yilga nisbatan o„sishi mos 
ravishda 1,8 foiz va 3,2 foizga teng bo„ldi. 
Respublikamizda qishloq xo„jaligi mahsulotlarining 99 foizi fermer xo„jaliklari 
tomonidan yetishtirilayotganligini inobatga oladigan bo„lsak, ushbu ko„rsatkichlar 
qishloq xo„jaligida amalga oshirilayotgan islohotlar o„zining ijobiy natijalarini 
berayotganligini ko„rsatmoqda.