Гистология цитология ва эмбриология проф. Қ. Р. Тўхтаев таҳрири остида

Бирламчи лизосомаларга
 
Голжи комплекси атрофида жойлашувчи ва 
кислотали гидролазаларга бой бўлган майда везикулалар (йиғувчи гранула) 
киради. Бирламчи лизосомалар ичида ҳали ҳеч қандай парчаланаѐтган 
моддалар йўқ. Лизосомал мембрана ферментларни цитозолдан ажратиб, 
ҳужайра тузилмаларини емирилишдан асрайди.
Иккиламчи лизосомалар
 
фагоцитоз ва пиноцитоз жараѐнида 
ҳужайрага тушган моддаларнинг бирламчи лизосомалар билан қўшилиши 
натижасида ҳосил бўлувчи лизосомалардир. 
Иккиламчи 
лизосомаларнинг 
икки 
тури 
фарқланади: 
а) 
фаголизосомалар
ѐки гетерофагосомалар. Бу лизосомалар фагоцитоз 
пуфакчалари орқали ҳужайрага тушган ѐт моддаларни бирламчи лизосомалар 
билан қўшилишидан ҳосил бўлади; б) 
аутофагосомалар
- 
бирламчи 
лизосомаларни шу ҳужайранинг яроқсиз ва нобуд бўлаѐтган митохондрия, 
рибосома, эндоплазматик тўр компонентларини ва баъзи бошқа 
тузилмаларни қамраб олиши ҳисобига ҳосил бўлади. 
Қолдиқ таначалар ёки телолизосомалар.
 
Гидролитик парчаланиш 
натижасида баъзи моддалар охиригача парчаланмайди ва лизосома ичида 
парчаланмаган моддалар йиғилади. Бу лизосомаларни 
қолдиқ танача 
деб 
юритилади. Қолдиқ таначалар қаватли тузилмаларни ҳосил қилиши мумкин. 
Бу таначалар ҳужайрадан чиқариб юборилиши ѐки бутун ҳаѐти давомида 

---

сақланиши мумкин. Баъзан қолдиқ танача ичида пигментлар, асосан 
липофусцин йиғилиши мумкин. Қари одамларда мия нерв ҳужайраларида, 
жигарда, терида ва мушак тўқималарида қарилик пигменти «липофусцин» 
тўпланади. 
Лизосомаларнинг ҳосил бўлиши Голжи комплекси билан боғлиқ. 
Бирламчи лизосомалар майда пуфакчалар ѐки зич таналар шаклида Голжи 
цистерналари атрофида жойлашади. Кислотали фосфатазанинг Голжи 
комплексида 
бўлиши 
лизосомаларнинг 
ҳосил 
бўлишида 
Голжи 
комплексининг роли муҳим эканлигини кўрсатади. Лизосома ферментлари 
эса асосан донадор эндоплазматик тўрда синтезланади. Лизосомалар 
такомилининг бошқа манбаи плазмолемма ҳисобланади. Эндоцитоз йўли 
билан ҳосил бўлган кеч эндосомаларга ҳам лизосомаларнинг дастлабки 
босқичи деб қаралади. Бундан ташқари плазмолемма ҳисобига пиноцитоз ва 
фагоцитоз вакуолалари ҳосил бўлади. Ана шу вакуолалар, бирламчи 
лизосомалар билан бирлашиб, иккиламчи лизосомаларни асосини ташкил 
этади. Ҳар хил патологик жараѐнларда лизосома ферментлари синтезининг 
бузилиши, бирламчи лизосомалар ривожланишининг кучайиши ѐки 
сусайиши улар мембранасининг эриши ва гидролитик ферментларнинг 
цитоплазмага чиқиши кузатилади. Лизосомалар турли модда алмашинув 
жараѐнларида ҳам иштирок этади. Шунинг учун баьзи касалликлар 
лизосомал ферментларни етишмовчилиги туфайли юзага келади. Масалан, 
метахроматик лейкодистрофияда сулфатазаларнинг йўқлиги туфайли. 
ҳужайранинг ичида сулфатланган цереброзидлар йиғилади. Ҳозирги кунга 
келиб лизосомал ферментларнинг етишмовчилиги ѐки нофаоллиги туфайли 
келиб чиқувчи 20 дан ошиқ касаллик ва синдромлар аниқланган. Бу 
синдромлар умумий қилиб ―тўпланиш касалликлари‖ деб юритилади ва 
ҳужайраларда лизосомал ферментлар дефекти билан боғлиқ бўлган зарарли 
моддаларнинг тўпланиб қолиши билан ифодаланади.