Оилавий тиббиёт асослари илк фаолиятимда инсонлар лаби, бурни ва юз ифодаларини бир- бирига боғлиқ

 Синдромал ташҳис қўйиш тамойиллари
Юқорида таъкидлаб ўтганимиздек, синдромал ташҳис қўйишнинг устунлик томони 
турли синдромларни бир-биридан яққол фарқ қилишидир. Ушбу мисолда қароқчилар 
бошлиғининг юзи думалоқ ва бу асосий синдром ҳисобланади. Унинг ёрдамида юзи 

---

думалоқ бўлмаган саккиз қароқчини солиштирма ташҳис ўтказиш жараёнидан четлаштирамиз. Ундан сўнг
асосий синдромга эга бўлган (думалоқ юзли) қолган тўртта қароқчилар орасидан йўғон бўйинлиларини 
ажратиш (9, 10) ва фақат иккита эҳтимоли бўлган қароқчини қолдириш. Улар ичидан ўнг кўзи боғланганини 
ажратиб олиш билан 9-рақамли қароқчи уларнинг бошлиғи эканлиги аниқланади. Кўриниб турибдики, бундай 
ёндошиш нозологик клиник фикрлашдан кам вақт ва ахборот талаб қилади. Маълумки, тиббий адабиётларда 
юрак касалликларида учрайдиган кўплаб турли аускультатив белгилар келтирилган. Шу жумладан, юрак 
нуқсонларида кузатиладиган шовқинларга юзга яқин таҳлил берилган. Шовқинларни синдромал усулда 
таҳлил қилиш йўли билан кам ахборотлардан фойдаланиб, анча тез якуний ташҳис қўйиш мумкин. Бунинг 
учун шовқинни асосий синдром деб ҳисоблаб, унинг эшитилиш марказини аниқлаш ва қайси юрак қисқариш 
босқичида (систолик ёки диастолик) эшитилаётганлигини баҳолаш керак. Ундан сўнг шовқинларнинг баланд 
ёки пастлиги аниқланиб, анамнез, ЭКГ ва рентгенография ёрдамида якуний ташҳис қўйиш мумкин. 
Бу 
жараён «Юрак шовқинлари ва уларнинг солиштирма ташҳиси» маърузасида батафсил баён этилган.
Маълумки, тиббиёт олий ўқув юртларида машғулотлар аксарият ҳолларда амалий билимлар ҳамда 
психологик кўникмаларнинг сезиларли танқислиги билан ўтказилади ва асосий вақт маълумотларни йиғиш 
ва кенгайтиришга сарф қилинади. Маълумотларни қайта ишлаш усулларига, хусусан қарор қабул қилишга 
анчагина кам вақт ажратилади. Шуни таъкидлаш лозимки, УАВ доимо касалликларни аниқлаш вақтида 
қарорлар қабул қилиши ва давони тайинлаши керак бўлади. Шунинг учун қарор қабул қилишни 
такомиллаштиришнинг энг муҳим шарти бўлиб, бўлажак врачларга уни қабул қилиш усулларини мукаммал 
ўргатиш ҳисобланади.
Бизнинг назаримизда, О.И.Яхонтова ва ҳаммуаллифлар томонидан таклиф қилинган ҳамда 5-чизмада 
келтирилган эвристик синдромал ташҳисий изланиш УАВ учун мос ва энг қулайдир. 
5-чизма.