Оилавий тиббиёт асослари илк фаолиятимда инсонлар лаби, бурни ва юз ифодаларини бир- бирига боғлиқ

V-босқич
. Бирламчи ташҳис ҳамда прогноз ва даволашда муҳим ўрин тутувчи ташҳисий назарияларни 
ҳисобга олган ҳолда, беморнинг лаборатор ва асбобий қўшимча текшириш режасини белгилаб олиш. Бунда 
бир қанча янги белгиларни аниқлаш мумкин. Биринчи навбатда, аниқ ташҳис қўйиш имконини берувчи ҳамда 
ҳал қилувчи аҳамиятга эга бўлган қўшимча текшириш усулларини қўллашни режалаштириш лозим.
Бизнинг мисолда қўшимча текширувларнинг минимал ҳажми қоннинг клиник таҳлили, балғамнинг 
умумий ва Кох таёқчасига таҳлили, ўпкани рентген текширувларини ўз ичига олади. Агар касалликнинг 
тегишли клиник манзараси билан бирга кўпинча битта ёки камроқ ҳолларда бир қанча атрофи нотекис 
қорайган ўчоқлар аниқланса, рентген усули ҳал қилувчи аҳамият касб этади. Бунда дарҳол муайян нозологик 
шаклдаги – зотилжам ташҳисини қўйиш мумкин (
9-босқич
). Аммо бошқача вариант ҳам юзага келиш 
эҳтимоли мавжуд. Мисол учун, рентген текширувида атрофи аниқ кўриниб турган думалоқ соя аниқланса, бу 
жуда муҳим янги белги ҳисобланади (
7-босқич
). 
VI-босқич
. Муқаддам аниқланган симптомлар ва синдромларни гуруҳга бирлаштириб, янгидан етакчи 
синдромни ажратиш (
7-босқич
). Шу синдром асосида иккиламчи ташҳисий назарияларни асослаш ва 
уларнинг солиштирма ташҳисини ўтказиш (
8-босқич
). Агар зарурат туғилса, олдинги босқичга қайтиш (
6-
босқич
), керакли қўшимча текширувларни тайинлаш. Ўпка тўқимаси қалинлашуви белгилари ва 
рентгенограммада аниқланган думалоқ соя рамзий равишда «думалоқ соя» клиник-рентгенологик синдроми 
деб аталиши лозим. Бу ҳолатда иккиламчи ташҳисий назариялар сифатида: ўпканинг периферик раки ва 
эозинофил инфильтратини келтириш мумкин. Бу назарияларни компьютер томографияси, бронхография, 
шиллиқ қават биопсияси билан ўтказиладиган бронхоскопия, баъзида ўпканинг трансторакал биопсияси каби 

---

усуллардан фойдаланилган ҳолда тор мутахассислар жалб қилиниб, солиштирма ташҳис 
ихтисослаштирилган клиникаларда ўтказилади.