Оилавий тиббиёт асослари илк фаолиятимда инсонлар лаби, бурни ва юз ифодаларини бир- бирига боғлиқ

VII-босқич
. Эҳтимоли энг кўп бўлган иккиламчи ташҳисий назария якуний ташҳис бўлиб ҳисобланади 
(9-босқич). 
VIII-босқич
. Мавжуд умумий қабул қилинган классификацияси ҳисобга олган ҳолда, ушбу нозологик 
шакл учун қамровли клиник ташҳисни қўйиш.
Лекин шуни яна бир бор таъкидламоқчимизки, УАВ эвристик синдромал усул ёрдамида ташҳис 
қўйишдан фойдаланганда, унинг барча босқичларини бажариши шарт эмас. 5-6 босқичлар доирасида жуда 
кам вақт сарф қилиб, муваффақиятли бирламчи ташҳис қўйиш мумкин. Ундан сўнг беморлар кўрсатмаларга 
қараб ҚВП ёки ОП шароитида даволанадилар ёки кейинги босқичларни ўтказиш учун тор мутахассислар ва 
ихтисослаштирилган шифохоналарга юбориладилар.
Юқорида ушбу маърузада келтирилган маълумотлардан кўриниб турибдики, тўғри ташҳис қўйиш учун 
УАВ клиник жиҳатдан яхши фикрлай олиши ва тегишли амалий кўникмаларни эгаллаган бўлиши лозим. 
Шунда соғлиқни сақлашнинг бирламчи тизимларида бемор соғлиғига зарар етказмаган ҳолда, ўз вақтида 
тўғри ташҳис қўйиш имконияти пайдо бўлади. 
Бунинг учун умумий амалиёт врачи ўз иш фаолияти 
давомида қуйидаги тамойилларга риоя қилиши керак: 
•
кенг қамровлилик; 
•
беморни кузатиб боришнинг узоқ муддатлилиги;
•
интеграция – тиббиётнинг барча жабҳаларини зарур даражада қамраб олиш; 
•
тор мутахассислар фаолиятини ва бирламчи тизимдаги тиббий ёрдам кўламини
мувофиқлаштириш ва даволашни назорат қилиш; 
•
бириктирилган аҳоли билан ишончли муносабатлар ўрнатиш;
•
ягона жамоа бўлиб ишлаш; 
•
аҳоли учун бирламчи тиббий ёрдам олиш эркинлигини таъминлаш;
•
аҳоли ўртасида профилактик ишлар олиб бориш ва уларга санитария таълими бериш; 
•
ҳар бир шахсни нафақат ўзи, балки оила аъзолари ҳамда яқинларини соғлиғи учун масъулликка 
ўргатиш; 
•
тиббий ёрдам сифатини оширган ҳолда унинг таннархини камайтиришга интилиш.
УАВ асосий вазифаларидан бири касалликларнинг олдини олиш ҳамда бирламчи, иккиламчи ва 
учламчи профилактик чора-тадбирлар ўтказишдан иборат эканлигини инобатга олиб, қуйидаги жадвалда улар 
тўғрисида батафсил маълумот келтирдик: