Оилавий тиббиёт асослари илк фаолиятимда инсонлар лаби, бурни ва юз ифодаларини бир- бирига боғлиқ

Беморларни дорилар билан даволашда УАВ 
унинг
самарадорлигига, хавфсизлигига, қўллашга монеликлар йўқлигига ва нархига (шифокор 
бир хил таъсир механизмига эга бўлган дорилар ичидан энг арзони ва самарадорини тавсия 
этиши керак) эътибор бериши лозим;
•
реабилитация:
руҳий, жисмоний ва касбий фаолликни тиклаш. 
Юқоридагилардан келиб чиқиб республикамизда УАВ кўрсатиши лозим бўлган тиббий ёрдам 
кўлами тўрт тоифага бўлинган ва улар қуйидагилардан иборат:
1-тоифа хизматлари
. ҚВП/ОП шароитида УАВ беморларга эрта ташҳислаш, самарали даволаш, 
профилактика, реабилитация ва диспансеризация хизматларини тўлиқ мустақил равишда кўрсатиши, айрим 
ҳолатларда беморни аҳволи яхшиланмаганда, керакли (поликлиника, шифохоналарга) мутахасисга юбориб 
қўшимча маслаҳат ёки даво тавсияларини олиши мумкин. 
2-тоифа хизматлари
. ҚВП/ОП шароитида УАВ беморда ўткир ҳолатлар ёки касалликлар аниқланганда 
бошқа тиббиёт муассасадаги мутахасисга маслаҳат, тўлиқ ва аниқ ташҳис қўйиш, қўшимча даво муолажаси 
зарурлигини аниқлаш учун юбориши лозим. ҚВП/ОП шароитида диспанцеризация, профилактика ва 
реабилитация жараёнларида беморнинг соғлиги ёмонлашганда, махсус парвариш ва кузатув талаб этиладиган 
ҳолатларда ихтисослаштирилган бўлим ёки тиббиёт муассасасига йўлланма бериш. 
3.1-тоифа хизматлари.
ҚВП/ОП шароитида беморга зарур бўлган текшириш, манипуляция ва бошқа 
тиббий хизматларни УАВ мустақил равишда малакали бажариши лозим. 
3.2-тоифа хизматлари
. ҚВП/ОП шароитида имконияти бўлмаган муолажа ва текширувларни ўтказиш 
учун бошқа тиббиёт муассасасига юборишга кўрсатма ва унинг СЮЕрда, ҳамда қандай ўтказилишини УАВ 
аниқ билиши керак.
4-тоифа хизматлари
. ҚВП/ОП шароитида, хавф гуруҳи ва махсус кўрсатмалар бўлган беморлар ҳамда 
турли сабаблар билан мурожаат қилган соғлом аҳоли ўртасида индивидуал профилактик ва тушунтириш 
ишлари (ўқитиш, маслаҳат, кўргазмали намойиш ва ҳ.к.) олиб бориш. 
Давлат стандартига мувофиқ, УАВ фаолиятида беморда мавжуд касалликларни ўз вақтида ва тўғри 
аниқлаш алоҳида аҳамият касб этади. Шунинг учун врач яхши клиник фикрлай олиши ва унинг турли 
усулларини мукаммал эгаллаган бўлиши лозим. Тиббиётда ҳозирги вақтда клиник фикрлашнинг нозологик 
ва синдромал тамойиллари фарқланади. Ташҳисий фикрлашнинг нозологик тамойили беморда аниқланган 
касаллик белгиларини врачнинг хотирасида бўлган аниқ хасталик белгилари билан таққослаган ҳолда ташҳис 

---

қўйишни назарда тутади. Албатта унинг касалликлар тўғрисида йиғилган янги ахборотлар билан амалиётни 
тез бойитиши, тиббиёт институтларида анъанавий ўқитиш жараёнида кенг фойдаланилиши каби устунлик 
томонлари бор. 3-чизмада нозологик клиник фикрлашнинг тамойиллари келтирилган.