Оилавий тиббиёт асослари илк фаолиятимда инсонлар лаби, бурни ва юз ифодаларини бир- бирига боғлиқ

 
 
Умумий амалиёт врачи ўзининг касбий фаолиятини учта йўналишда амалга оширади: 
а) кундалик амалиётида: 

бемор шикоятлари, унда кузатилаётган муаммолар ва касалликларни ўз вақтида аниқлаш ҳамда 
таҳлил қилиш; 

беморни даволай олиш ва уни узоқ кузатиш; 

илмий хулосалар ва ўзининг шахсий клиник тажрибасини амалиётга самарали қўллай билиш; 
б) бемор билан мулоқотда бўлганда: 

маслаҳат бера олиш, 

буюрилган даволаш усули ва текшириш натижаларини беморларга оддий ва содда тилда
тушунтириш; 

беморларнинг ҳар хил ҳис-ҳаяжонли ҳолатларида ўзини монанд тутиш; 
в) ўз фаолиятида: 

беморларга тиббий ёрдам олиш имкониятини таъминлаш; 

самарали иш жараёнини ташкил қилиш, бошқа ходимлар фаолияти ва уларнинг ўзаро мулоқотини 
бошқариш; 

бошқа мутахассислар, шу жумладан, бирламчи тизимдаги врачлар билан ўзаро ижобий муносабат 
ўрнатиш. 
Юқоридаги йўналишларнинг барчаси муҳим аҳамиятга эга бўлса ҳам, улар орасида маслаҳат (консультация) 
қилиш санъати алоҳида ўрин тутади ва
у «Туғиш ёшидаги аёлларни соғломлаштиришда умумий амалиёт 
врачларининг ўрни ва вазифалари»га бағишланган маърузада батафсил ёритилган. 
Давлат таълим стандартига мувофиқ, УАВ фаолиятнинг қуйидаги турлари билан шуғулланади: 
•
тиббий профилактика:
соғломлаштириш, санитар-гигиеник, профилактик ва эпидемияларни 
олдини олишга қаратилган чора-тадбирларни ишлаб чиқиш ҳамда ўтказиш, аҳоли соғлиғига таъсир 
этувчи хавфли омилларни аниқлаш ва олдини олиш;
 
•
тез ва кечиктириб бўлмайдиган тиббий ёрдам:
дастлабки тиббий ёрдам чора-тадбирлари 
кўламини ўз вақтида аниқлаш ва мустақил равишда бажариш;
 
•
даволаш-диагностика: 
кўп тарқалган касалликларни тиббиётнинг бирламчи бўғинларида 
лаборатор ва тиббий асбоблар ёрдамида аниқлаш; кўрсатмалар бўлганда тор мутахассислар билан 
маслаҳатлашиш ёки шифохонага ётқизиш; даволаш, кузатиб бориш, диспансер назоратига олиш ҳамда 
вақтинчалик ишга лаёқатсизликни экспертиза қилиш.