Тошкент давлат аграр университети н. Т. Хакимова, Р. К. Саттарова

Топшириқ ва машғулот ўтиш тартиби:
Тупроқ микрофлорасини 
лаборатория шароитида аниқлаш учун 3-4 киши бўлиб, бригада усулида 
ўрганилади. Тупроқни торозида тортиб олинади ва суюлтирилади, ҳамда 
ГПА солинган Петри ликобчаларига экилади. Ўсган колониялардан 
препаратлар 
тайёрланиб, 
бактерияларнинг 
морфологияси 
ёзилади. 
Бактериологик тадқиқот натижаларини талабалар дафтарларига ёзиб
борадилар. 
Методик кўрсатма:
Тупроқдаги микроорганизмлар сони ҳар хил усул билан аниқланади. 
Шулардан тупроқдан эритма тайёрлаб, зич озиқа муҳитига экиб, 
микроорганизмларнинг сонини аниқлаш энг қулай усул ҳисобланади. 
Тупроқнинг микрофлорасини аниқлашда асосан ГПА ёки ДПА муҳитларидан 
фойдаланилади. Тупроқ микрофлорасини аниқлаш учун 10-20 см 
чуқурликдан намуна олиб, 1 г тупроқ тарозида тортиб олиниб, эритманинг 
охирги даражаси 1:1 000 000 бўлгунча стерилланган сувга аралаштирилади. 
Бунинг учун ажратиб олинган 1 г тупроқ стерилланган колбага солиниб, 
устига 99 мл стерилланган сув қуйилади. Сўнгра 3 минут давомида чайқатиб 
аралаштирилади. Ҳосил бўлган аралашмадан стерилланган пипетка билан 1 
мл олиб, 9 мл стерилланган сув солинган биринчи пробиркага қуйилади. У 
яхшилаб аралаштирилгандан сўнг 1 минут давомида биринчи пробиркадан 
пипетка билан 1 мл аралашмани олиб, 9 мл стерилланган сув қуйилган 
иккинчи пробиркага солинади. Худди шу тартибда иккинчи пробиркадан 1 
мл олиб учинчи пробиркага солинади, учинчи пробиркадан 1 мл олиб 
тўртинчи пропиркага солинади, тўртинчи пробиркадан 1 мл олиб бешинчи 
пробиркага солинади. Натижада охирги эритманинг концентрацияси 1:1 
000 000 бўлади. 
Микробни экиш. 
Ҳосил бўлган охирги эритмадан стерилланган 
пипетка билан 1 мл дан учта Петри ликобчасига солинади, сўнгра 
ликобчаларга эритилган ва 40-45
о
С
гача ДПА (дуккакли ўсимликлардан 
тайёрланган агар) ёки ГПА қуйилади ва уни секин чайқаб эритма муҳитга 
аралаштирилади. Ликобчадаги муҳит қотгандан сўнг 3 кун давомида 25
о 
иссиқ термостатга қўйилади.