Сборник научных трудов по материалам Международной научно-практической

 
325 
XALQARO MIQYOSIDAGI ILMIY-AMALIY KONFERENTSIYA MATERIALLARI
Chunki bu fanning kirib bormagan sohasi, qamrab olmagan tarmogʻi yoʻq, oʻzi istamagan, 
oʻrganishni xohlamagan holatda ham insonlar bu fanni oʻrganishni tugʻilganlaridanoq oʻzlashtira 
boradilar, chunki ilk tugʻilganidanoq goʻdaklar oʻzi yashab turgan muhitni oʻrganib unga moslasha 
boradi, yillar davomida uni tadqiq qilib oʻrgana boradi.
Hozirga qadar fan sohasida bir qator yangi metodlar, qoʻllanmalar, yangi tahrirdagi 
darsliklar, uslubiy tavsiyalar ishlab chiqildi, yaratilmoqda. Fanimiz fidoyilari tinmay samarali 
mehnat qilmoqdalar. Shu oʻrinda maktablarda geografiya darslarini samarali tashkil etishda 
quyidagilarga e’tibor qaratilsa maqsadga muvofiq boʻladi: 
Vatan ostonadan boshlanadi, shu aqidaga amal qilgan holda eng avvalo har bir tuman, 
Qishloq Fuqarolar Yigʻinlari, qishloq va ovullarning imkoniyatdan kelib chiqqan holda topografik 
xaritalari tuzilib, tegishli har bir maktabga tarqatilsa hamda oʻquvchilar oʻz sinflarida undan 
foydalana olish imkoniyatiga ega boʻlsalar, bu oʻquvchilarimiz ongida vatanparvarlik, fidoyilik, 
sadoqat tuygʻularini shakllantirishimizda amaliy yordam boʻladi. 
Darslarni boshlashdan oldin ikki daqiqalik chekinish e’lon qilinib, dunyo siyosiy maydonida 
roʻy berayotgan voqea-hodisalar tahlilini amalga oshirish lozim. Buning natijasida oʻquvchi dunyo 
siyosiy maydonidagi ahvolni tahlil qilish, xulosa chiqarish va taqqoslash imkoniyatiga ega boʻladi 
hamda oʻquvchi dunyoqarashining rivojiga sabab boʻladi. 
Dars jarayonida interfaol usullarni koʻpaytirish zarur, chunki bunday usullar oʻquvchilarning 
tirishqoqligi, dunyoqarashi, chaqqonligini oshiradi. Fikran tez va aqlan ziyrak boʻlib oʻsishlariga 
sabab boʻladi.
Barcha fanlar geografiya tarkibidan kelib chiqqan, degan fikrlarimiz balkim bir oz 
notoʻgʻridir, ammo oʻz fani taraqqiyotining rivojini istamaydigan kasb egasi boʻlmasa kerak. Biz 
hali oʻz imkoniyatlarimizni nechogʻlikligini bilmasmiz, ammo yurt ravnaqi uchun barchamiz 
ma’sulmiz.