3 Ўзбекистон республикаси олий ва ўрта махсус таълим вазирлиги

ЛИТЕРАТУРЫ 
1. Ершова Т.В. Информационное общество — это мы. — М.: Институт развития 
информационного общества, 2008. — 512 с. 

---

206
2. Когаловский М.Р., Хохлов Ю.Е. Стандарты XML для электронного правительства. М.: 
Институт развития информационного общества,2008.-416 с. 
3. Милънер Б.З. Теория организации. М.: «Инфра-М», 2008.864 с. 
4. Norris D. E-government Research: Policy and Management. Idea Group Inc (IGI), 2008. - 364 p. 
5. UN Global E-government Survey 2008. From E-government to Connected Governance. UN, 2008. - 
112 p. 
6. Закон Республики Узбекистан об Электронном правительстве 9.12.2015y. O'RQ-395-son 
7. www.gov.uz - Правительственный портал Республики Узбекистан 
8. www.ziyonet.uz - Образовательный портал 
ДАВЛАТ ФУҚАРОЛИК ХИЗМАТЧИЛАРНИ ЎҚИТИШ ЖАРАЁНИ МОНИТОРИНГИНИ 
ЮРИТИШ ТИЗИМИНИНГ ЎРНИ 
Рахманов Қурбон Садиқович, доцент, 
Оʻзбекистон халқаро ислом академияси 
[e-mail] 
Махманов Ботир Қудратович, дастурчи, 
"Меҳнат соҳасидаги лойиҳаларни бошқариш маркази" МЧЖ 
[e-mail] 
 
Давлат бошқаруви фаолияти тизимида давлат хизматчиларини малакасини ошриш ва 
қайта тайёрлаш барча даражадаги давлат ҳокимияти органларини ривожлантиришнинг 
устувор йўналишларидан бири ҳисобланади. Ўзбекистон Республикаси Президенти ҳузуридаги 
Давлат бошқарув академиясида давлат хизматчилари учун ўқув жараёни мониторингини 
юритувчи, уларни баҳолаб борувчи ахборот тизимини қўлланишига бағишланган. 
Давлат хизматчилари хизмат вазифаларини бажариш учун зарур бўлган касбий билим ва 
кўникмаларга қўйиладиган малака талаблари унинг вазифалари ва функцияларини ҳисобга олган 
ҳолда тегишли давлат органининг норматив-ҳуқуқий ҳужжатлари билан белгиланади. 
Шу жумладан, Ўзбекистон Республикаси Президентининг 2017 йил 8 августдаги 
“Ўзбекистон Республикаси Президенти ҳузуридаги Давлат бошқаруви академиясида бошқарув 
кадрларини тайёрлаш, қайта тайёрлаш ва малакасини ошириш тизимини янада ривожлантириш 
чора-тадбирлари тўғрисида”ги ПҚ-5139-сонли фармонлари [1] алоҳида аҳамиятга эга ҳамда 
миллий ахборот-коммуникация тизимини давлат бошқаруви тизимида “ягона ойна” принципини 
жорий этиш каби долзарб вазифаларни ўз ичига олган. 
Давлат хизматчиларини ўқитиш самарадорлиги ўқув жараёнининг муҳимлиги ва 
узлуксизлиги уларнинг мартаба даражаси кўтарилишига боғлиқ кўрсаткич ҳисобланади. 
Чет давлатлардаги давлат хизматчиларининг касбий ваколатларини таққослаш шуни 
кўрсатадики, улар таркибий жиҳатдан амалда бир хил моделлар бўлиб, уларнинг таркиби 
бошқарув фаолиятининг ўзига хос хусусиятларига қараб ўзгариб туради [2]. 
Давлат хизматчиларининг малакавий тайёргарлигининг хорижий тажрибаси қуйидаги 
хулосаларни чиқаришга имкон беради. 
Биринчидан, бугунги кунда давлат хизматчиларини ўқитишнинг контсептуал 
ёндашувларида фарқлар мавжуд. Эвропа контсепцияси асосан менежмент соҳасида ўқитилган 
шахслардан иборат маъмурий ва бошқарув элитасини шакллантиришни таклиф қилади. Америка 
контсепцияси йирик компаниялар тажрибаси асосида давлат хизматчиларини тайёрлашни назарда 
тутади. 
Иккинчидан, касбий тайёргарлик ва қайта тайёрлаш мажбурий бўлиб, ўқитиш муддати 
давлат хизматчисини ўқитиш ёки қайта тайёрлаш даврига боғлиқ.
Учинчидан, ўқув жараёни шундай тузилганки, у касб-ҳунар таълими мақсадларини маълум 
бир позицияни бажариши учун зарур бўлган тегишли ваколатлар тўпламидан келиб чиққан ҳолда 
давлат хизматчиларининг хизмат кўрсатиш фаолиятининг амалий самарадорлигини ошириш 
имкониятини беради. 
Демак, ҳар бир мамлакатда давлат фуқаролик хизматчилари фаолияти мониторинги бўйича 
ҳар хил ёндашувлар ишлаб чиқилган. 

---

207
Ижро этувчи ҳокимият ва маҳаллий ўзини ўзи бошқариш органларини ахборот тизимлари 
ва технологиялари билан жиҳозлаш давлат фуқаролик ва шаҳар хизматининг муҳим йўналиши 
ҳисобланади. 
Давлат фуқаролик хизматчиларини комплекс баҳолаш тизимининг асосий элементлари 
қуйидагилардан иборат: 

давлат фуқаролик хизматчисининг малакасини; 

касбий фазилатларни баҳолаш; 

давлат фуқаролик хизматчисининг фаолияти самарадорлигини баҳолаш. 
Ўзбекистон Республикаси Президенти ҳузуридаги Давлат бошқарув академияда давлат 
хизматчилари учун ўқув жараёни мониторингини юритувчи, уларни баҳолаб борувчи ахборот 
тизими структурасининг асосий бўғини академия, унинг факультетлари ва кафедраларидан ҳамда 
ҳудудий филиаллардан ташкил топган [3]. Тизим ягона марказлашган маълумотлар базасига эга 
бўлиб, маълумотлар факультетлар кесимида шаклланади (1-расм). 
3.1-расм. Тизим структураси 
Тизимда ҳар бир фойдаланувчи учун ўзининг шахсий профили мавжуд бўлиб, унга ўзининг 
махсус фойдаланувчи номи ва калит сўзи орқали тизимга ташриф қиладилар. Хар бир 
фойдаланувчи шахсий профиллари ўзининг функционал вазифасига қараб турлича қулай ва 
дўстона интерфейсда шаклланади. Тизим берилган параметрлар online режимида тегишли 
натижавий маълумотларни тақдим этиш, муассасалар кесимида, шу билан бир қаторда
умумлаштирган натижалар бўйича мониторинг юритиш имконини беради. 
Тизимнинг қолган барча модуллари факультет доирасида шакллантирилади: кафедралар, 
ўқитувчилар ва тингловчилар контингенти, йўналишлар ўқув режалари, фанлар ва 
машғулотларнинг турлари, дарс жадвали тингловчиларнинг давомати ва ўзлаштириш ҳамда 
ўқитувчилар ва тингловчилар портфолиоси (2-расм).