KBaxt va muvaffaqiyat sirlari

Mulohaza uchun
Aqlni charxlash uchun savol va topshiriqlar
Jamiyat orzusi
Yosh avlodning har tomonlama sog‘lom va barkamol bo‘lib voyaga yetishi – 
nafaqat ota-ona, qolaversa, jamiyatning ham orzusi hisoblanadi.
Yoshligidanoq muntazam ravishda jismoniy tarbiya bilan shug‘ullanish, aqliy 
va jismoniy mehnatni o‘rganib, o‘zlashtirib borish hamda har tong toza havoda 
sayr qilishni kundalik faoliyatga aylantirib olgan yoshlarning maqsadlari ham 
jamiyat maqsadi bilan mushtaraklik hosil qiladi. Natijada bunday inson jismoniy 
kuch-quvvatga to‘ladi, ichki olami go‘zallashadi, boshqalar bilan munosabati 
namunali bo‘ladi. Mehnatsevar bo‘lib, tafakkur darajasi yuksalib boraveradi. 
Mustaqil fikrlashi charxlanadi, teranlashadi, takomillashadi. 
Bunday fazilatlarga ega bo‘lgan yoshlar sekin-asta ruhiy tetiklik, ma’naviy 
yetuklik maqomini qo‘lga kiritib boradi. O‘z Vatani sha’ni uchun uning mas’uliyati 
ham oshadi.

---

16
I bob. Tinch va xotirjam yashash baxti
1. Yoshlarning har tomonlama sog‘lom va barkamol bo‘lib voyaga yetishi 
uchun qanday omillar zarur deb o‘ylaysiz?
2
. 2020-yilning 29-mart kuni Toshkent shahrida IIBB xodimlari karantin tarti-
biga rioya qilmaslik bilan bog‘liq 419 ta faktlarni qayd etishdi. 418 kishida 
tibbiy niqoblar bo‘lmagan, 1 kishi uy karantini tartibini buzib, o‘zboshim-
chalik bilan uyini tark etgan. 
Buning sabablarini nimalarda ko‘rasiz?
 
– Bir o‘ylab ko‘ringchi, nima uchun bir kunda 419 ta qoidabuzarliklar sodir 
bo‘lishi mumkin? 
 
– Ichki ishlar xodimlari insonlarni nimadan himoya qilishgan? 
 
– Bu himoya nima uchun kerak?
 
– Bu singari qoidabuzarliklarning oqibati nima bilan tugashi mumkin? Sa-
babi nima deb o‘ylaysiz?
Har bir odam haqiqiy baxtga erishishi uchun o‘z shaxsiy man-
faatini xalq manfaati bilan birlashtirishi, xalq baxti uchun kerak 
bo‘lsa jonini ham ayamasligi kerak. Inson oliy axloqiy sifatlariga, 
chunonchi, beg‘arazlik, oliyjanoblik, vijdoniylik, mehnatsevarlik, 
mardlik fazilatlariga ega bo‘lishi lozim.