Ӛзбекистан Республикасы жоқары ҳәм орта арнаўлы билим министрлиги Қарақалпақ мәмлекетлик университети

Пасталы бояўлар.
Пасталы бояў қурамлары синтетикалық смола ямаса 
полимерлердиң суўдағы дисперсиясы байланыстырыўшылары тийкарында таярланады. 
Бояў қурамына порошок толтырғыш сыпатында цемент, гипс, гипсцемент, 
гипсцементпуццолан ҳәм басқалар ислетиледи. Мәселен, “Дефас” пастасы қурамы ВД-ВА-17 
маркалы поливинилацетат бояўы, кварц қумы ҳәм маршалит тийкарында алынады. 
Имарат ҳәм иншаатларын безеўде пасталы бояўлар тийкарында бир мәртениң ӛзинде 
1000 мкм қалыӊлықтағы қапламалар алыў мүмкин. Пасталы бояўлар менен имаратлар 
безетилгенде сыбаўшылық жумысларына зәрүрлик болмаслығы мүмкин. Пасталы бояўларды 
бетлерге жағыў ямаса себиўди толық рәўиште механизацияластырыў имканияты бар. 
 
30.2 Порошок бояўлар 
Порошок бояўлар қатты полимерлер, жүдә майда толтырғыш, пигментлер ҳәм 
модифицирлеўши арнаўлы қосымшалардан ибарат дисперс қурғақ араласпалар есапланады. 
Олардыӊ дисперслиги 10-100 м
2

кг аралығында болып, жүдә шашылыўшаңлық қәсийетине 
ийе болады.
 
Порошок
 
бояўлар тамшы-суйық ҳалынан қурғақ еритпе ҳалына арнаўлы 
аппаратлар жәрдеминде ӛткизиледи. 

---

196 
Порошок бояўлар бетлерге жағылғанда монотилизацияланады, яғный материал 
бӛлекшелери бирлесип ҳәм қатып химиялық орталықларға шыдамлы қаплама пайда етеди. 
Байланыстырыўшы сыпатында термореактив (эпоксид, полиэфир, полиуретан) ҳәм 
термопластикалық (полиэтилен, поливинилхлорид, полиамид) полимерлер ислетиледи. 
Қурғақ бояў араласпалары кең аралықтағы температурада ҳәм ўақыт даўамында 
формаланады. 
Қорғалыўшы бетке қурғақ бояў қурамлары арнаўлы пистолет жәрдеминде 
қыздырылған ҳалда қапланады. 
Порошоклы бояўлар жоқары беккемлик, тығызлық, суў ҳәм коррозия орталығына 
шыдамлылық пенен әпиўайы бояўлардан парықланады. Ҳәзирги күнде қурғақ бояў қурамлар 
раўажланған мәмлекетлерде кең тарқалған. Оларды тасыў, сақлаў тежемли, ислетиў болса 
жүдә қолайлы.