Pedagogika 018, 1-son Bosh muharrir

PEDAGOGIKA 2018, 5-son
 
6 
 
bu Qarorini Nizomiy nomidagi Toshkent davlat pedagogika universiteti tо‘lig‘i 
bilan ado etdi va maxsus sirtqi bо‘limning Respublika bо‘yicha о‘ziga xos 
rivojlanishini belgilovchi tadbirlarni amalga oshirdi hamda mamlakatimizda ilk 
bor bu bо‘lim orqali sifatli bilim olish tizimi yaratildi, joylarda sinab kо‘rildi, 
ilmiy-amaliy konferensiyalar, doimiy faoliyat kо‘rsatuvchi muvofiqlashtiruvchi 
kengash ishlab turdi. Eng muhimi, shunday о‘qish tizimi yaratildiki, talaba unda 
har bir о‘quv topshiriqlarini hech qanday ortiqcha qiyinchiliklarsiz bajara olgan. 
Masalan, boshlang‘ich ta’lim yо‘nalishida ta’lim olayotgan talaba uchun sessiya 
oralig‘i mustaqil ishlari topshiriqlarini о‘qituvchi talabaning darsga tayyorgarlik 
kо‘rish jarayonida birga bajarishi kо‘zda tutilgan edi. Albatta, maxsus sirtqi 
ta’lim Prezident devoni nazoratida bо‘lgan va Nizomiy nomidagi TDPUda ular 
rahbarligida talaygina tashabbusli ishlar amalga oshirilgan. Amaliyot kо‘rsatdiki, 
pedagogik kadrlar tayyorlash bо‘yicha maxsus sirtqi bо‘limlar faoliyatining 
tо‘xtatilishi asossiz bо‘lib chiqdi, chunki unga Respublikamizda ehtiyoj bо‘lgan. 
Bu bо‘lim faoliyatini Prezidentimiz Sh. M. Mirziyoyev yuqorida nomi zikr etilgan 
qarori bilan yangidan tashkil etishga kо‘rsatmalar berdiki, u endilikda butunlay 
yangi mazmun va yangi tuzilmaga ega bо‘ldi. Hozirgi maxsus sirtqi bо‘limni 
avvalgi maxsus sirtqi bо‘limning vorisi deb bо‘lmaydi. Uning vorisligi faqat 
nomlanishida, xolos. Amaldagi maxsus sirtqi ta’lim mazmuni, ta’lim ishini tashkil 
etish, sifatli bilim olish, innovatsiyalarga munosabat jihatidan tamoman yangi 
shakl hisoblanadi.
Nizomiy nomidagi Toshkent davlat pedagogika universiteti maxsus sirtqi 
bо‘limida 8ta yо‘nalish bо‘yicha pedagog kadrlar tayyorlanmoqda. Bular 
5110800 − Tasviriy san’at va muhandislik grafikasi, 5110900 − Pedagogika va 
psixologiya, 5111700 − Boshlang‘ich ta’lim va sport tarbiyaviy ish, 5111800 − 
Maktabgacha ta’lim, 5111900 − Defektologiya, 5111100 − Musiqa ta’limi, 
5112100 − Mehnat ta’limi, 5112000 − Jismoniy madaniyat ta’lim 
yо‘nalishlaridir. Bu yо‘nalishlar ta’limini ijodiy rivojlantirish bо‘yicha 
universitetga tayanch oliy ta’lim muassasasi maqomi berilgan. 
Universitetda pedagogika yо‘nalishlari bо‘yicha maxsus sirtqi bо‘limlar 
tashkil etilgan, oliy ta’lim muassasalarining о‘quv-metodik faoliyatini 
muvofiqlashtiruvchi kengash faoliyat yuritmoqda. Unga Respublikaning 15 oliy 
ta’lim muassasasi maxsus sirtqi bо‘lim rahbarlari a’zo qilib olingan. 
Muvofiqlashtiruvchi kengash maxsus sirtqi bо‘limning barcha hujjatlarini 

---