Sh. A. Alimov, O. R. Xolmuhamedov, M. A. Mirzaahmedov

4. Tenglamalar tuzishga doir masalalar
629.
Ikki sonning yig‘indisi 120 ga teng, ularning ayirmasi esa 5 ga
teng. Shu sonlarni toping.
630.
Kater daryo oqimi bo‘yicha yo‘lga 3 soat, qaytishdagi yo‘lga esa
4,5 soat vaqt sarfladi. Agar katerning suvga nisbatan tezligi
25 km/soat bo‘lsa, daryo oqimining tezligi qancha?
631.
Motorli qayiq 
A
dan 
B
gacha bo‘lgan yo‘lni daryo oqimi bo‘yicha
2,4 soatda, qaytishdagi yo‘lni esa 4 soatda bosib o‘tdi. Agar
qayiqning suvga nisbatan tezligi 16 km/soat ekanligi ma’lum
bo‘lsa, daryo oqimining tezligini toping.
632.
Kater daryo oqimi bo‘yicha 1 soatda 15 km suzdi va qaytishdagi
yo‘lga 1,5 soat vaqt sarflab, avvalgi joyiga qaytib keldi. Katerning
suvga nisbatan tezligini va daryo oqimining tezligini toping.
633.
Teng yonli uchburchakning perimetri 5,4 dm ga teng. Yon
tomoni asosidan 13 marta uzun. Uchburchak tomonlarining
uzunliklarini toping.
634.
Ma’lum bir yo‘nalish bo‘yicha qatnaydigan yangi turdagi
tramvayning tezligi eski turdagidan 5 km/soat ortiq. Shuning
uchun ham u 20 km yo‘lni eski turdagi tramvayga qaraganda
12 min tezroq bosib o‘tadi. Yangi tramvay shu yo‘lni qancha
vaqtda bosib o‘tadi?
635.
Avtobus kunning ma’lum qismida «tezyurar» (ekspress) tartibda
ishlaydi. Shuning uchun ham uning tezligi bu vaqtda 8 km/soat
ortadi, 16 km ga sarflanadigan vaqti esa 4 min ga qisqaradi.
Avtobus tezyurar tartibda shu yo‘nalishni qanday vaqtda bosib o‘tadi?

---

206
636.
Bir fermer-dehqon xo‘jaligi o‘z yer maydonidan 875 sr bug‘doy,
ikkinchisi esa undan 2 ga kam maydondan 920 sr bug‘doy yig‘ib
olishdi. Agar bir gektar maydondan ikkinchi xo‘jalik birinchi xo‘ja-
likka qaraganda 5 sr ortiq bug‘doy yig‘ib olganligi ma’lum bo‘lsa, har
bir xo‘jalik bir gektar maydondan qanchadan bug‘doy yig‘ib olgan?
637.
Ikkita nasos bir vaqtda ishlaganda hovuz 2 soat 55 min da
tozalanadi. Agar ulardan biri bu ishni ikkinchisiga qaraganda
2 soat tezroq bajarsa, har bir nasos alohida ishlaganda hovuzni
qancha vaqtda tozalashi mumkin?