Ўқув машғулотида таълим технологияси модели мавзу: Менингитларнинг ва менингоэнцефалитларнинг эрта ва қиёсий

Аденовирусли серозли менингитлар
кам кузатилади. Беморларда ринофарингит, 
конъюнктивит, лимфоаденопатия белгилари мавжуд бўлганда аденовирус табиатли 
менингитларга шубҳа қилиш мумкин. Ўзига хос клиник шаклларида (фаринго-
конъюнктивал иситма, пардали конъюнктивит, кератоконъюнктивит) ва эпидемия вақтида 
ташҳис қўйиш осон. 
Нерв тизимининг зарарланиши касаллик авж олган даврда бўладн. Менингиал ва 
менингоэцефалит белгилари кузатилганда беморлар аҳволи оғирлашади, аммо умумий мия 
ва мия пардаси яллиғланиши белгилари кучсизроқ бўлади. Энса мушакларининг таранглиги 
нисбатан кучсиз, Керниг ва Брудзинский белгилари кучсиз, айрим ҳолларда умуман 
бўлмаслиги мумкин. Орқа мия суюқлиги босими бироз юқорироқ, плеоцитоз нисбатан 
ортган (100-200х10
6
/л), лимфоцитлар кўпроқ (90-95%), оқсил, қанд ва хлоридлар миқдори 
ўзгармаган. Ёш болаларда нерв тизимининг зарарланиши менингополиневрит ва 
полиомиелитга ўхшаш клиник белгилар билан кечиши мумкин. Касаллик кўпинча соғайиш 
билан якунланади. Ташҳисни эрта лаборатор тасдиқлаш учун орқа мия суюқлигида ва 
бурун шиллиқ қаватлари ҳужайраларида иммунофлюоресценция реакцияси ёрдамида 
махсус антигенлар аниқланади. Ретроспектив текширувда қўш зардобда аденовирус 
антигенлари билан комплемент боғлаш реакциясидан фойдаланилади. Ташҳис қўйишда 
антителолар титри 4 баробар ортиши керак. 
Сувчечакли менингит ва менингоэнцефалит.
Бу сувчечакда камроқ учрайдиган 
асоратлардан бири саналади. Касалликнинг типик шакли (иситма, полиморф везикулёз 
тошма, энантема) оғир кечишида касалликнинг авж олиш даврида менингиал белгилар 
пайдо бўлади. Тана ҳарорати янада юқорироқ (39-40°С) кўтарилади, кучли бош оғриши, 
кўнгил айниш, қусиш, умумий таъсирчанлик (гиперестезия), энса мушакларининг 
таранглашуви, Керниг белгиси ижобий бўлади. Орқа мия суюқлиги босими юқори, цитоз 
асосан лимфоцитлар ҳисобига, 200x10
6
/л. Сувчечакли менингитда натижа яхшилик билан 
тугайди. Энцефалитларда эса асоратлар бўлиши мумкин. Сувчечакли менингитларга 
ташҳис қўйиш кўпинча қийинчилик туғдирмайди. Зарурат бўлганда везикуладан ва орқа 
мия суюқлигидан флюоресценция усули ёрдамида вирусларни аниқлаш мумкин. Ёруғлик 
микроскопи ёрдамида ҳужайраларда махсус танача (Араган таначаси) кўзга ташланади, 
комплемент бириктирувчи реакция усули махсус антигенлар ёрдамида қўйилади.