Tibbiyot instituti talabalari uchun

So’vda o’limning sabablari
Har bir suvdan topilgan murda tanasi uning cho’kkanligini ko’rsatadi. O’lim 
suvda har xil sabablarga ko’ra sodir bo’lishi mumkin. Suvda yurak qon tomiri 
kasalligi bilan kasallangan kishilar (ateroskleroz, gipertoniya kasalligi, miokardit, 
yurak porogi va boshqalar) ning yuragi to’xtab qolishi mumkin. Mastlik holatida, 
me’dasi ovqat bilan to’liq bo’lganda, shuningdek quyosh nurlari ta’sirida haddan 
tashqari qizib ketganida ham suvga tushganda kutilmaganda o’lim sodir bo’lishi 
mumkin.
Ko’pincha yosh sog’lom kishilar, hatto sport bilan shug’ullanuvchilar suvga 
tushganda to’satdan o’lib qolishi va murdani kesib ko’rilganda ham hech bir 
232

---

o’zgarish topilmasligi mumkin. Bunday hollarda ularning katta fizik kuch 
yo’qotishi, haddan tashqari qizib ketishi, shuningdek ayrim yuqumli kasalliklar 
(gripp, surunkali zotiljam, angina va boshqalar) ning yashirin o’tishi tufayli o’lim 
sodir bo’lishi ko’zga tashlanadi.
Ba’zan suvda suzuvchi sportsmenlarning suvga chuqur sho’ng’ishi tufayli 
ham o’lim sodir bo’lishi mumkin. Bunday hollarda murdani kesib ko’rilganda 
chekka suyagi so’rg’ichsimon o’simtasi o’lchamlari va o’rta quloq bo’shlig’iga 
ikki tomonlama qon quyilish kuzatiladi. O’limning vujudga kelishiga sabab 
tezlikda suvga chuqur sho’ng’ichda quloqning nag’ora pardasiga ta’sir qiluvchi 
bosimning pasayishidan travmatik ta’sir bo’lishi mumkinligi ehtimol qilinadi.
Suvda to’satdan o’lim sodir bo’lganda, agar agonal davr juda qisqa bo’lgan 
taqdirda murdani kesib ko’rishda cho’kishga xarakterli hech bir belgi topilmaydi. 
Agar suvda bo’lgan davrda u yoki bu sabab bilan odam xushini yo’qotgan bo’lsa 
hayotning barcha ko’rinishlari saqlangan, ammo cho’kishning ko’zga ko’rinuvchi 
belgilari sog’lom cho’kuvchi odamga nisbatan ancha kam bo’ladi.