Microsoft Word uylanish odobi ziyouz com doc

«
Ансор аёлларининг кўзларида қусур бор. Шунинг учун улардан бирига уйланмоқни 
истаган вақтда, уларга қарасин». (Муслим Абу Ҳурайрадан (р.а.) ривоят этган). 
Ҳазрати Умар (р.а.) даврларида бир киши уйланди. Унинг хино қўйиб бўянганини билган 
қиз тараф Умарга (р.а.) мурожаат этдилар: «Биз уни ёш (йигит) деб ўйлаган эдик...» 
Бу сўзни эшитиб, Умар (р.а.) уни урдилар ва: «Сен қавмни алдадинг», дедилар. 
 
* * * 
Айтишларига қараганда, Билол ва Суҳайб (р.а.) бир араб оиласига бориб, улар билан 
танишмоқчи ва насиб этса қизларига уйланмоқчи эканини айтдилар. 
« - 
Сизлар кимсизлар? 
- 
Мен - Рабаҳ ўғли Билолман. Бу эса дин биродарим Суҳайб Румийдир. 
Биз залолатда эдик. Аллоҳ таоло бизни ҳидоятга етказди. 
Биз хизматкор қул эдик. Аллоҳ таоло бизни озод қилди. 
Биз фақир эдик. Аллоҳ таоло бизни бой-бадавлат этди. 
Агар бизни уйлантириб қўйсангиз, биз Аллоҳ таолога ҳамд айтамиз. 
Агар бизнинг талабимизни рад этсангиз, биз Аллоҳ таолони нуқсон сифатлардан танзих 
этамиз (пок ҳолда ёд этамиз)». 
Бу сўзлардан сўнг улар: «Сизни уйлантирамиз», дедилар. 
* * * 

---

Уйланиш одоби. Имом Ғаззолий 
www.ziyouz.com kutubxonasi 
24
Никоҳдан аввал аёлни кўриш мустаҳаб. Шу тариқа баъзи иккиланишлар кетказилади. 
Агар бир киши чиройга қарамасдан фақат суннатни жонлантирмоқ учун ёки фарзанд кўриш 
ёҳуд уй ишларини юритиш учун уйланса, бу ҳол зуҳдга янада яқинроқ бўлган бир ҳолдир. 
Абу Сулаймон ад-Дароний шундай дейдилар: 
«
Зуҳд ҳар неда бўлади. Ҳатто хотин хусусида ҳам. Масалан, бир одам дунёда зуҳд учун 
ажуза (кекса, бадфеъл) аёлга уйланади». 
Малик ибн Динор шундай дейдилар: 
«
Сиздан кимдир етим қизга уйланса, бу сабабли савобга эришади, ҳамда ўша етим қиз еб-
ичиш хусусида осон нарсаларга рози бўлгани учун тирикчилик осонлашади. Лекин, сиз буни 
тарк этиб, мол-дунё аҳлидан бўлганларни афзал кўрсангиз, уларнинг кўзи тўймайди ва ҳар нени 
истайди». 
Опа-сингилдан бири гўзал, бошқасининг бир кўзи ожиз бўлгани ҳолда Аҳмад ибн Ҳанбал 
ҳазратлари бир кўзи кўр бўлганини афзал кўриб, унга уйландилар. 
* * * 
Аёлнинг диндорлиги ҳақида маълумот бўлмаса, иккинчи муҳим хусус гўзаллигига қаралади. 
Чунки мубоҳ бўлган нарсалар билан лаззат топмоқ - дин калъасини мустаҳкамлаб, 
кучайтирилади. 
Айтиладики, агар аёл гўзал бўлса, хушфеъл, хушхулқ, сочлари қора, кўзлари катта, оқ танли 
ва кўзлари фақат эрига қарайдиган бўлса, ўша аёл жаннатдаги ҳур суратида бўлади. Чунки 
Аллоҳ таоло жаннат аҳли бўлган аёлларни шу шаклда васф этган: