Бошқа тармоқларда бухгалтерия ҳисобининг хусусиятлари

 
3.Қурилиш машиналари ва механизмлари иш фаолиятининг
ҳисоби 
 
Қурилиш ташкилотларида махсус машина ва механизмлар иш фаолиятини 
алоҳида ҳисобга олиб боришнинг объектив ва субъектив сабаблари мавжуд. 
Уларнинг асосийларига қуйидагиларни киритиш мумкин: 
биринчидан,
махсус қурилиш машина ва механизмларининг қиммат 
туриши улардан унумли ва самарали фойдаланиш талабини қўяди; 
иккинчидан
, қурилиш машина ва механизмларидан қурилиш ишларини 
бажаришда фақат тегишли босқичларда ва мақсадларда ишлатилиши улар иш 
фаолиятини ҳар бир қурилиш объекти бўйича ҳисобини олиб боришни тақозо 
этади; 
учинчидан,
уларнинг қурилиш майдончаларига етказиб келиниши, 
ўрнатилиши ва ишлатилиши маълум техника ва меҳнат хавфсизликлари 
шартларига қатъий амал қилишни, махсус тайёргарликни, касбий маҳоратни, 
шунингдек бу мақсадлар учун қўшимча сарф-харажатларни талаб қилади. 

---

Таъкидлаш 
жоизки, республикамизда 
қурилиш 
машиналари 
ва 
механизмлари иш фаолиятини ҳисобга олиш учун махсус меъёрий ҳужжатлар 
қабул қилинган эмас. Қурилиш ташкилотларида бугунги кунда қурилиш 
машиналари ва механизмлари иш фаолиятининг ҳисобига доир дастлабки 
ҳужжатлар, уларни тузиш, ишловдан ўтказиш собиқ СССР даврида 
тасдиқланган меъёрий ҳужжатларга асосланилган ҳолда амалга оширилмоқда. 
Қурилиш машина ва механизмлари иш фаолиятини акс эттирувчи 
бошланғич ҳужжатлар бўлиб қуйидагилар ҳисобланади: 

кўтариш крани иши ҳақида билдирги (ЭСМ -1 шакл); 

қурилиш машинаси йўл варақаси (ЭСМ-2 шакл); 

қурилиш машинаси ва механизми иши тўғрисида билдирги (ЭСМ-3 
шакл); 

қурилиш машинаси ва механизми иши тўғрисида билдирги-наряд (ЭСМ-4 
шакл); 

қурилиш машинаси (механизми) иши ҳисоби картаси (ЭСМ-5 шакл); 

қурилиш машиналари (механизмлари) иши ҳисоби журнали (ЭСМ-6 
шакл); 

бажарилган ишлар (хизматлар) тўғрисида маълумотнома (ЭСМ-7 шакл).