Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

59-
модда.
 
Умрбод озодликдан маҳрум қилиш
Умрбод озодликдан маҳрум қилиш фавқулодда жазо чораси бўлиб, маҳкумни махсус 
тартибли жазони ижро этиш колониясига жойлаштириш орқали жамиятдан муддатсиз 
мажбурий ажратиб қўйишдан иборатдир.
Умрбод озодликдан маҳрум қилиш жазоси фақат жавобгарликни оғирлаштирадиган 
ҳолатларда қасддан одам ўлдириш (118
-
модданинг иккинчи қисми) ва терроризм (195
-
модданинг учинчи қисми) учун тайинланади.
Умрбод озодликдан маҳрум қилиш жазоси аёлга, ўн саккиз ёшга тўлмасдан
жиноят содир 
этган шахсга ва олтмиш ёшдан ошган эркакка нисбатан тайинланиши мумкин эмас.
60-
модда.
 
Ҳарбий, махсус, фахрий ёки даражали унвон, дипломатик мақом, малака 
даражаси ёки давлат мукофотларидан маҳрум қилиш
Шахс оғир ёки ўта оғир жиноят учун ҳукм қилинганида суд ҳукми билан ҳарбий, махсус, 
фахрий ёки даражали унвон, дипломатик мақом, малака даражаси ёки Ўзбекистон 
Республикасининг давлат мукофотларидан маҳрум қилиниши мумкин.
Олий ҳарбий, махсус, фахрий ёки даражали унвон, дипломатик мақом, малака даражаси 
ёки Ўзбекистон Республикасининг давлат мукофотларига эга бўлган шахс оғир ёки ўта оғир 
жинояти учун ҳукм қилинганида суднинг ҳукм асосида киритадиган тақдимномасига биноан 
Олий ҳарбий, махсус, фахрий ёки даражали унвон, дипломатик мақом, малака даражаси ёки 
Ўзбекистон Республикасининг давлат мукофотларидан уларни берган мансабдор шахс ёки 
орган томонидан маҳрум қилиниши мумкин.
ХI боб. ЖАЗО ТАЙИНЛАШ АСОСЛАРИ ВА ТАРТИБИ
61-
модда.
 
Жазо тайинлашнинг умумий асослари
Жиноят содир этишда қонунда белгиланган тартибда айбли деб топилган шахс жазога 
тортилади. Суд ушбу Кодекс Махсус қисмининг жиноят содир этганлик учун жавобгарлик 
назарда тутилган моддасида белгиланган доирада Умумий қисмнинг қоидаларига мувофиқ 
жазо тайинлайди.

---

Суд жазо тайинлашда содир этилган жиноятнинг хусусияти ва ижтимоий хавфлилик 
даражасини, қилмишнинг сабабини, етказилган зарарнинг хусусияти ва миқдорини, 
айбдорнинг шахсини, ҳамда жазони енгиллаштирувчи ва оғирлаштирувчи ҳолатларни ҳисобга 
олади.