Кодексини тасдиқлаш тўҒрисида id-29646 модда. Ўзбекистон Республикасининг Жиноят кодекси тасдиқлансин

62-
модда.
 
Жазони енгиллаштирувчи ҳолатлар
Қуйидаги ҳолатлар жазони енгиллаштирувчи ҳолатлар деб топилади:
1) 
айбни бўйнига олиш тўғрисида арз қилиш, чин кўнгилдан пушаймон бўлиш ёки 
жиноятни очиш учун фаол ёрдам бериш, жиноятнинг бошқа иштирокчиларини ва жиноий йўл 
билан топилган мулкларни фош қилиш;
2) 
жабрланувчи (фуқаровий
даъвогар) билан ярашиш;
3) 
жиноят оқибатида етказилган моддий зарарни ихтиёрий равишда бартараф қилиш;
4) 
жиноят содир этилганидан сўнг жабрланувчига тиббий ёки бошқа тарзда ёрдам 
кўрсатиш;
5) 
ижтимоий хавфи катта бўлмаган жиноятни биринчи марта содир этиш;
6) 
оғир шахсий, оилавий шароитлар оқибатида ёки бошқа мушкул аҳволда жиноят содир 
этиш;
7) 
жиноятни раҳмдиллик кўрсатилиши сабабли содир этиш;
8) 
мажбурлаш ёки моддий томондан, хизмат жиҳатидан ёхуд бошқа жиҳатдан қарамлик 
сабабли жиноят содир этиш;
9) 
жабрланувчининг зўрлик, оғир ҳақорат ёки бошқача ғайриқонуний ҳаракатлари 
туфайли вужудга келган кучли руҳий ҳаяжонланиш ҳолатида жиноят содир этиш;
10) 
зарурий мудофаанинг, охирги заруратнинг асосли чегарасидан четга чиқиб жиноят 
содир этиш, ижтимоий хавфли қилмишни содир этган шахсни ушлашда, асосли 
таваккалчиликда зарар етказиш;
11) 
вояга етмаганнинг жиноят содир этиши;
12) 
айбдорнинг қарамоғида вояга етмаган фарзанди мавжудлиги;
13) 
ҳомиладор аёлнинг жиноят содир этиши;
14) 
жабрланувчининг ғайриқонуний ёки ахлоққа зид хулқ
-
атвори таъсири остида 
жиноят содир этиш;
15) 
айбдор ёки ота
-
онасининг оғир касаллиги, уларнинг меҳнатга лаёқатсизлиги;
16) 
айбдор ота
-
онасининг ёки боласининг бошқа боқувчиси йўқлиги.
Ташкилотчи, далолатчи ёки ёрдамчи жиноятдан ихтиёрий равишда қайтиб, ўзига боғлиқ 
бўлган барча чораларни ўз вақтида кўргани жиноятнинг олдини олишга олиб келмаган бўлса
-
да, ушбу ҳолатлар суд томонидан енгиллаштирувчи ҳолат деб топилиши мумкин.
Жазо тайинлашда суд ушбу моддада назарда тутилмаган бошқа ҳолатларни ҳам 
енгиллаштирувчи ҳолат деб топиши мумкин.
Енгиллаштирувчи ҳолат ушбу Кодекс Махсус қисмининг моддасида жиноят таркибининг 
зарурий белгиси сифатида назарда тутилган бўлса, жазо тайинлашда ҳисобга олинмайди.

---