Лойиҳа Ўзбекистон республикаси адлия вазирлиги тошкент давлат юридик университети

Фойдаланиладиган адабиётлар рўйхати: 
1. Ўзбекистон Республикаси Вазирлар Маҳкамасининг 2013 
йил 20 августдаги “Товар ва молия бозорларида монополияга 
қарши тартибга солишни такомиллаштириш чора-тадбирлари 
тўғрисида”ги 230-сонли Қарори. Ўзбекистон Республикаси қонун 
ҳужжатлари тўплами, 2013 й., 34-сон. 
2. Ўзбекистон Республикаси Вазирлар Маҳкамасининг 2010 
йил 28 октябрдаги “Товарлар (ишлар, хизматлар)га тартибга 
солинадиган нархлар (тарифлар)ни декларация қилиш (тасдиқлаш) 
ва белгилаш тартибини янада такомиллаштириш чора-тадбирлари 
тўғрисида”ги 239-сонли Қарори 

---

75 
IV-БОБ. ХЎЖАЛИК ЮРИТУВЧИ СУБЪЕКТЛАРНИНГ 
РАҚОБАТНИ ЧЕКЛАЙДИГАН КЕЛИШИБ ОЛИНГАН 
ҲАРАКАТЛАРИ ВА БИТИМЛАРИ. 
 
4.1. Рақобатни чеклайдиган келишиб олинган ҳаракатлар ва 
уларнинг умумий тавсифи 
4.2. Рақобатни чеклайдиган битимларнинг умумий тавсифи, 
турлари ва асосий жиҳатлари 
4.3. Рақобатни чеклайдиган келишиб олинган ҳаракатлар ва 
битимлар: хориж қонунчилиги тажрибаси 
 
4.1. Рақобатни чеклайдиган келишиб олинган ҳаракатлар 
ва уларнинг умумий тавсифи. 
Маълумки, монополияга қарши самарали тартиботларни 
ўрнатиш ҳамда монополистик фаолиятни чеклаш ва табиий 
монополиялар тўғрисидаги қонун ҳужжатларига риоя этилишини 
назорат қилиб бориш, товар ва молия бозорларида рақобат 
муҳитини ривожлантириш, рақобатнинг чекланишига йўл 
қўймаслик, товарлар (ишлар, хизматлар) бозорларида, биринчи 
навбатда, ички истеъмол бозорида ва реклама соҳасида ноҳалол 
рақобатчиликка чек қўйиш чора-тадбирларини амалга ошириш 
бозор тамойилларига асосланган иқтисодиёт ривожининг устувор 
йўналишларидан бири саналади. 
Ушбу йўналишларда керакли
чора-тадбирларни амалга 
ошириш бозорларда рақобат муҳитини шакллантириш, бизнесни 
бозор иқтисодиёти тамойилларини бузмайдиган тарзда ташкил 
этиш, бозорларда вужудга келадиган номутаносибликларни 
бартараф этиш, тезкор таъсир ўтказишнинг билвосита тартибга 
солиш усуллари орқали иқтисодиётда давлат иштирокини 
босқичма-босқич камайтиришга имкон беради.
 
Бунинг учун 
хўжалик юритувчи субъектларнинг рақобатни 
чеклайдиган келишиб олинган ҳаракатлари ва битимлари,
рақобатга қарши хатти-ҳаракатларни, нархлар ва тарифларни 
тартибга солиш, уларнинг асоссиз равишда ўсиши ёки камайишини 
аниқлаш, маҳсулотларни биржа савдоларига қўйиш тўғрисида 
қарор қабул қилиш, танлов (тендер) ва биржа савдоларини 

---

76 
ўтказишда амалдаги қонунчиликка риоя этилиши устидан назорат 
ўрнатиш каби чора-тадбирларнинг ўрни ниҳоятда муҳимдир. 
Хўжалик юритувчи субъектларнинг рақобатни чеклайдиган 
келишиб олинган ҳаракатлари ва битимлари бевосита