|
O‘zaro ta’sirni tahlil qilish
yordamida tadqiq etilayotgan nutqida patologiyasi
bo‘lgan shaxslar harakatli potensialining tashqi ko‘rinishi, ularning axloqi, aloqa
imkoniyati va usullari, rozilik va norozilik ko‘rinishi, jamoa va nogironlarga
munosabati o‘rganiladi.
Tadqiqotchi nutqida patologiyasi bo‘lgan odamlarni turlicha faoliyatda (shu
jumladan, harakatli, nutqiy) kuzatarkan, faollik darajasini, jamoada o‘zaro
harakatning mazmuni va maqsadini, o‘zaro ta’sir vositalarini, ishtirokchilar
faoliyatining chegarasini, ularning jismoniy va ijtimoiy-psixologik to‘siqlari,
simpatiya va antipatiyalari, vaziyatning davomliligi, ushbu vaziyatda odatdagi
axloqdan og‘ishni o‘rganadi.
R ye y t i n g
– baholash usuli, bilvosita kuzatish – bevosita uni kuzatuvchi
odamning har tomonlama baholashi orqali ko‘rinishni o‘rganishdan iborat, bu ba’zida
uzoq yillar davomida bo‘lishi mumkin. Shunday qilib, patsient to‘g‘risidagi
ma’lumotlarni reyting usuli bilan uni davolovchi shifokordan, tarbiyachi, ota-ona va
boshqalardan olish mumkin. Usulning kamchiligi shundaki, xulosalar sub’ektiv fikrlar
asosida chiqariladi, axir tadqiqotchining o‘z kuzatuvi ham sub’ektivlikdan xoli emas.
Reyting sharoitida kuzatishning natijasini ma’lumotlarni hisoblash va tahlil qilishda
matematik apparatni keng qo‘llash imkoniyatini beruvchi turli baholash shkalalaridan
foydalangan holda son hisobida aks ettirish mumkin.
O‘z-o‘zini baholash usuli nutqiy patologiyasi va harakat buzilish bo‘lgan
odamlarning real axloqini ko‘rsatadi, harakat potensiali, umumiy va nutqiy
motorikaning buzilish darajasini, bu buzilishlarning axloqqa, atrofdagilar bilan o‘zaro
munosabatga ta’sirini yuzaga chiqaradi.
Tadqiqotning eksperimental usullari. Tabiiy eksperimentda mashg‘ulot
logopedik ritmikaning odatdagi mashg‘ulotlaridan chekinmagan holda o‘tkaziladi.
Laboratoriya eksperimenti sun’iy sharoit yaratish va ikkinchi darajali ta’sirlarni
bartaraf etishdan iborat. Eksperimentlar muayyan dalillar yoki ularning bog‘liqligini
yuzaga chiqarish maqsadida (absolyut eksperiment) yoki qandaydir ko‘rsatkichlarni
taqqoslash uchun (qiyosiy eksperiment) o‘tkazilishi mumkin. Qiyosiy eksperimentda
ikki yoki bir qancha bir turdagi guruhlar (jinsi, yoshi, nutqiy buzilishi, harakat
maqomi va h.k. bo‘yicha) ishtirok etadi. Ulardagi mashg‘ulotlar qaysidir birgina
belgisi bilan farq qiladi,
masalan, ma’lum bir guruhdagi muskullarni
mustahkamlovchi mashqlarni kiritish. Eksperiment, odatda, bir necha bosqichda olib
boriladi. Natijalarning yanada ishonchli bo‘lishi uchun “har tomonlama eksperiment”
deb nomlanuvchi sxemalar qo‘llaniladi. Masalan, birinchi eksperimentda bitta guruh
birinchi usul bo‘yicha shug‘ullanadi, boshqasi – ikkinchisi bo‘yicha. Ikkinchi
eksperimentda guruhlarda uslublar o‘zgaradi.
Eksperimental tadqiqotlarning turli-tumanligi test – test – tajriba, sinov,
tadqiqot hisoblanadi.
Logopedik ritmikada testlardan nutqida buzilishi bo‘lgan odamlarning
harakatli, harakatli-nutqiy topshiriqlarni belgilangan vaqt (yoki chegaralanmagan
vaqt) da bajarganlaridagi natijalarni qiyoslash uchun foydalanish mumkin. Logopedik
ritmikada testlashtirish namunalari bo‘lib N.I.Ozereskiyning bolalar va kattalarda
motor qobiliyati hamda motorikani ommaviy baholash tadqiqoti uchun metrli
shkalalari, M.V.Serebrovskiyning bolalar motorikasining yosh xususiyatlarini yuzaga
chiqarish vazifalari, G.A.Volkova, A.Yu.Panasyuk maktabgacha muassasa yoshidagi
me’yorda gapiruvchi va duduqlanuvchi bolalarning shaxsiy xususiyatlarini aniqlash
uchun “test-nizo” uslubi va boshqalar xizmat qilishi mumkin.
Testning tuzishda e’tiborni eng yuqori darajada tadqiq etiladigan predmetga
qaratish va bu mazmunni test topshiriqlarida birmuncha to‘la aks ettirish kerak.
Testlar defektologik tadqiqotlarda, shu jumladan, nutqiy patologiyasi bo‘lgan
shaxslarning logoritmik o‘rganishda hali sezilarli joyni egallagani yo‘q va ularni joriy
qilish sohalarini qandaydir cheklab qo‘yishga erta bo‘lardi. Bizning nazarimizda
testlar harakat potensiali, psixik funkisya, shu jumladan, diqqat-e’tibor, shaxsiy
xususiyatlarni tadqiq etishda, shuningdek, turli uslublar samarasini aniqlashda foydali
bo‘ladi. Masalan, turli uslublar samaradorligini aniqlash uchun reja quyidagicha
bo‘lishi mumkin: ikkita bir xil nutqiy buzilishi bo‘lgan shaxslar guruhi olinadi: biri –
nazorat, boshqasi – eksperimental bo‘ladi.
Testlar yordamida miqdoriy hisob tadqiqotchiga turli nutqiy buzilishlarga ega
bulgan shaxslarning harakat potensialini qiyoslash, umumiy va nutqiy motorika
buzilishlari o‘rtasidagi mumkin bo‘lgan aloqalarni yuzaga chiqarish, yetarlicha
harakat imkoniyatini aniqlash, logoritmik korreksiya yo‘llarini belgilash imkonini
beradi.
Do'stlaringiz bilan baham: |
