E. Egamberdiev

3-bosqich - Yakka yoki jamoa shaklidagi 
ishbilarmonlikni yuritish 
 
Ishbilarmonlik bilan shug’ullanishga qaror qilganingizdan keyin siz yana 
muhim tanlovni amalga oshirishingiz kerak: yakka ishbilarmonlikmi yoki jamoa 
ishbilarmonligimi? 
Yakka ishbilarmonlik shundan iboratki, biznesmen ham tavakkalchilikni, ham 
javobgarlikni o’z bo’yniga oladi. 
Mabodo siz ehtiyotkorlik qilmoqchi bo’lsangiz, tavakkalchilik miqdorini 
kamaytirmoqchi bo’lsangiz, javobgarlikni ayrim sheriklar bilan o’zaro bo’lishishingiz 
mumkin. Bu vaqtda siz jamoa ishbilarmonligini tanlaysiz. 
Tashkilotingizning qanday shaklda bo’lishini tanlash juda katta ahamiyatga 
ega. Sizning faoliyatingiz na faqat o’zingizning hohishingizga, yashash muhitingizga, 
balki jamiyatingiz faoliyatiga, talablariga ham javob berishi lozim. 
4-bosqich - Bozor muhitiga ta’sir etish usullari 
 
Bozor muhiti - sizning raqibingiz. Siz yoki xujum qilasiz, yoki himoyaga 
o’tasiz. Bozor muhitiga chiqishdan oldin talabgorlaringizning didlarini yaxshilab 
o’rganing va tijoratga katta ahamiyat bering. Bozor muhitining oldin kamroq qismini, 
keyinroq bo’lsa, ko’proq qismini egallashga xarakat qiling. 
Egallangan muhitni saqlab qolish uchun va uni kengaytirish uchun, avvalom 
bor himoyaga o’tish lozim. Himoyalanadigan tashkilot eng oldin, mahsulotlarning 
raqobatchilari tomonidan chiqariladigan mahsulotlardan ustunlik tomonlarini himoya 
qilish kerak. Raqobatchilaringizga sifat jihatdan sizning mahsulotlaringizga teng 
bo’lgan mahsulotlarni ishlab chiqishga yo’l qo’ymasligingiz zarur. Bu degani - siz 
doim oldindan bo’lishingiz, ishlab chiqarishni tashkil etish kerak. Ishlab chiqarish - 
muvaffaqiyatning yarmidan ko’pidir. Texnika vositalarini tanlash, mehnat va 
iqtisodiy - tashkiliy ishlar, hisob - kitob ishlarini to’g’ri olib boring. 

---

33
Mahsulotlarga bo’lgan talab juda o’zgaruvchandir. Bu o’zgarishlarni doimo 
kuzatish va ularni o’z faoliyatingizda doimo e’tiborga olish lozim. Sarf bo’layotgan 
xarajatlarni nimaga ketayotganini hamma vaqt kuzating, xatolarga iloji boricha yo’l 
qo’ymang. Siz hamma vaqt, qiyin paytlarda ham, oldinda borishingiz kerak. 
Shundagina yutuq sizni, siz yutuqni topasiz.