Зиёвуддин Раҳим 2 бисмиллаҳир роҳМАНир роҳийм!

АЛЛОҲ ҲАММА НАРСАНИ КЎРИБ ТУРАДИ 
Аллоҳнинг қудрати, илми чексиз. У Зот ҳар нарсани кўриб, эшитиб туради. Ундан бирон нарса 
яширин қолмайди. Дунёда қанча тирик жон бўлса ҳам, қанча одамлар кўп бўлса ҳам, уларнинг ҳолатидан 
Аллоҳ хабардор. 
Банда жамоат ичида ҳам, ёлғиз қолганида ҳам Аллоҳ уни кўриб туради. Баъзилар одамлар орасида 
ёмон иш қилишдан сақланади. Аммо бир ўзи қолганида гуноҳдан тийила олмайди. Аллоҳ бандани доим 
кузатиб туради. Ҳеч ким кўрмайдиган жойга яшириниб олса ҳам Аллоҳ уни кўради. Шундай экан, ҳар 
қандай ҳолатда гуноҳ ишлардан, ёмонликдан узоқ бўлиш керак. Шунингдек, яхши ишларни фақат 
одамлар бор жойда қилиш тўғри эмас. Ҳеч ким билмаса ҳам, биров кўрмаса ҳам яхшилик қилинаверади. 
Чунки Аллоҳ кўриб турибди. Охиратда банда қилган амалларига яраша мукофот ёки жазони Ёлғиз Аллоҳ 
беради. 
Демак, Аллоҳ кўриб-билиб тургани унутилмаса, мана шу ишонч қалбга маҳкам сингдирилса, банда 
ҳақиқий мўмин бўлади. Бу эътиқодни ҳар ким маҳкам ушласа, динига, эл-юртига фойдаси тегади. Шунда 
қўриқчига, текширувчига ҳожат қолмайди. Чунки, қалбида Аллоҳга имони бўлса, омонатга хиёнат 
қилмайди, бировнинг ҳақини емайди, ҳеч ким бўлмаса ҳам вазифасини инсоф билан, сидқидилдан 
бажаради. 
АЛЛОҲНИНГ ГЎЗАЛ ИСМЛАРИ 
Аллоҳни танишда, оламлар Парвардигори ҳақида кенгроқ билимга эга бўлишда У Зотнинг гўзал 
исмлари, сифатлари муҳимдир. Ким уларни яхшилаб ўрганса, Аллоҳга муҳаббати ортади, имон-эътиқоди 
мустаҳкамланади. 
Аллоҳ таоло айтади: 
“--------------------------- Арабий матн --------------------------“ 
“Аллоҳнинг гўзал исмлари бор. Бас, Унга ўша 
(исмлар)
билан дуо қилинглар!” 
(“Аъроф” 
сураси, 180-оят). 
Аллоҳнинг барча исмлари гўзал. Мўмин-мусулмон инсон қўлини самога чўзиб дуо қилганида 
Аллоҳнинг гўзал исмларини, комил сифатларини тилга олади, “Ё Раҳмон!”, “Ё Раҳим!”, “Ё Ҳай!”, “Ё 
Қайюм!” деб Раббига юкинади. 
Каломуллоҳда яна шундай дейилган: 
“--------------------------- Арабий матн --------------------------“