Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
247
Degaymen ishq o‘tig‘a xaslig‘imni, 
g‘aribu oshiqu bekaslig‘imni». 
Chu Farhod oncha ohu dardi jonso‘z, 
Ko‘ribkim, zohir etti ul siyahro‘z. 
Anga xud muncha hojat ermas erdi, 
Degan yuz ming fusundin bir bas erdi. 
Damidin shu’lalar gardung‘a bordi, 
Ko‘zidin sellari homung‘a bordi. 
Fusungar sharh qilg‘ondek malolin, 
Mushobih torti o‘z oshufta holin. 
Chekib huy oncha sho‘ru shayn qildi 
Ki, g‘amkash jismi za’f aylab yiqildi. 
Yugurdi hiylagar devonalardek, 
Yiqilg‘on sham’ uza rarvonalardek. 
Chu ko‘rdi xastani beholu xomush, 
Dimog‘iga aning kelturgali hush. 
Gulekim sermish erdi no‘shdoru, 
g‘alat sharh ayladim, behushdoru. 
Dimog‘ig‘a qo‘yub qildi tavaqquf 
Ki, hushi zoyil o‘lg‘ay betaxalluf. 
Anga qolmaydur erdi hushidan bahr, 
Quyar erdi o‘lukning komig‘a zahr. 
Chu hushi xaylin etti bo‘yla g‘orat, 
QO‘pub far’yod etib qildi ishorat. 
Uyumush erdi bir tosh uzra Shorur, 
Yamon tush ko‘rmagidin erdi ranjur. 
Ul undin seskanib, borib qarori, 
Sarosima boqib Farhod sori. 
Ne ko‘rdig‘ Borib o‘zdin ul malakvash, 
Bo‘lub shaytonvashe har dam navokash. 
Anga bildiki andin bo‘lmish ul rev 
Ki, yetti har tarafdin ul suruk dev. 

---

Alisher Navoiy. Farhod va Shirin