Tibbiyot instituti talabalari uchun

3. Harakatlanuvchi temir yo’l transportidan yiqilish.
Bu ko’pincha 
vagonni ustida, o’tish maydonlarida yurgan va yurib borayotgan poezddan 
sakraganda kuzatiladi. Bunday hollarda balandlikdan sakrashga xos belgilar 
ko’rinadi. Bunda jarohatlanishlarning darajasi va o’ziga xos xususiyatlari 
poezdning tezligiga hamda erga birlamchi urilishning joylashuviga bog’liq bo’ladi.
Ba’zan vagon tomida bo’lgan odam yo’l to’g’onlari (ko’prik ramasi, arki, er 
tagi yoki tog’dan o’tkazilgan yo’l) dan jarohatlanish sodir bo’lishi mumkin. 
Odatda, urilish boshining orqa tomonida kuzatilib, urilgan joyida lat egan yara, 
suyaklarining sinishi va bosh miyaning jarohatlanishi yuzaga keladi.
Elektropoezd tomida bo’lganda ba’zan o’limga olib keluvchi elektr tokidan 
jarohatlanish ko’zga tashlanadi. Keyinchalik vagon tomidan tushib ketish 
natijasida elektr toki bilan jarohatlanish belgilari yashirilishi mumkin. Shuningdek, 
o’tmas yoki o’tkir vositalar yordamida etkazilgan jarohatlanishlarni aniqlash 
anchagina qiyin bo’ladi. Bu, ayniqsa, jabrlanuvchiga bunday jarohatlanishlar 
etkazilgandan keyin harakatlanuvchi poezddan otib yuborilganda yaqqol ko’zga 
tashlanadi.