Pedagogika 017, 4-son Bosh muharrir

PEDAGOGIKA 
2017, 4-son
 
 
26 
Ta’kidlash о‘rinliki, sо‘z maxsus kasbiy bilimlar haqida emas, balki 
zamonaviy jamiyatdagi ijtimoiy-iqtisodiy jarayonlarni tushunish uchun zarur 
bilimlar haqida ketmoqda. Talabalar har kuni uyda, kо‘chada, shuningdek, 
ommaviy axborot vositalari (gazeta, televideniye, radio) orqali iqtisodiy 
masalalarga duch keladi. Daromad, ishsizlik, inflyatsiya, xalq xо‘jaligining xalqaro 
raqobatbardoshligi, tarkibiy о‘zgarishlar, iqtisod va ekologiya о‘rtasidagi konflikt 
va boshqa masalalar haqidagi ma’lumotlar kundalik hayotimizning ajralmas qismi 
hisoblanadi.
Talabalar shaxsiy hayotida iqtisodiy faoliyat aspektlari juda kо‘p jihatlarga, 
masalan, shaxsiy budjetni rejalashtirish va tashkil etish, oila daromadlari va 
chiqimlari, tovarlarning iqtisodiy asoslangan narxi, shaxsiy foydalanish uchun 
xarid, salomatlik va hayot tarziga oqilona yondashuv, bо‘sh vaqtdan unumli 
foydalanish va boshqalarga ta’sir etadi. Har bir talaba tabiatga, xalq mulkiga 
ehtiyotkorona va daxldorlik hissi bilan munosabatda bо‘lishi, davlatning ijtimoiy-
iqtisodiy siyosatini о‘rganishi va anglashi kerak.
Iqtisodiy ta’lim va tarbiya tahsil oluvchilarni iqtisod fanining asosiy vaziyati, 
ijtimoiy sharoitini о‘zlashtirishga mо‘ljallangan, tahsil oluvchilarga xо‘jalik 
faoliyati, ekotizimlar, insonlar hayotida iqtisodning roli haqida tasavvur, 
tushuncha beradi. Iqtisodiy bilim insonning jamiyatdagi rolini tushunishga imkon 
yaratadi, talabalarda axloqni rivojlantiradi, maqbul xulq kо‘nikmalarini 
shakllantiradi. Iqtisodiy ta’limni bozor munosabatlarining rivojlanish istiqbolini 
tushunish uchun zarur intellektual resurs sifatida kо‘rib chiqish mumkin.
Demak, iqtisodiy ta’limning maqsadi talabalarda zamonaviy iqtisodiy 
faoliyat mexanizmini namoyon etuvchi iqtisodiy tafakkurni shakllantirish, undagi 
о‘z о‘rnini anglatish, taraqqiy etgan iqtisodiy axloqiy me’yorlar, iqtisodiy 
madaniyat, iqtisodiy faoliyatga mos keluvchi kо‘nikmalarni о‘zlashtirish va 
insonda uning ijtimoiy-iqtisodiy sharoitlariga tо‘laqonli adaptatsiya qilishi 
maqsadiga muvofiq keluvchi iqtisodiy madaniyatni shakllantirish bо‘lishi kerak.
Fikrimizcha, oliy ta’lim muassasalaridagi iqtisodiy ta’limning vazifalari 
quyidagilardan iborat:
­
tahsil oluvchilarda iqtisodiy tafakkur asoslarini shakllantirish, 
emotsional, hissiy, dalillanmagan mulohazalardan iqtisodiy siyosat masalalarini 
anglashga intilish, shuningdek, egallangan kо‘nikmalarni yangi iqtisodiy sharoit, 
vaziyatda qо‘llash, ularning о‘zaro aloqasi asosida о‘z harakatini dalillab 
tushuntirib berishga imkon yaratish;
­
talabalarda bozor iqtisodiyoti sharoitlariga moslashish qobiliyatini hosil 
qilish, ularga jamiyat hayotida yuz berayotgan о‘zgarishlarni tushuntirish;

---