M. M. Axmetjanov, sh sh. Olimov, S. S. Avezov. P e d a g o g I k mahorat

O`quvchilarga quyidagilarni so`zlang: 
-o`z-o`zini hurmat qilish qancha yuqori bo`lsa, o`qish natijalari ham shuncha 
yaxshi bo`ladi; 
-o`qishdagi muvaffaqiyatlar o`quv jarayonini tezlashtiradi; 
-o`qishdagi muvaffaqiyatsizliklar esa, o`qishni tashlab ketish istagini paydo 
qilishi mumkin; 
-ruhiy tetiklik va qiziqish sezgilari o`qishni osonlashtiradi. 
Ijodkor pedagoglar motivlarni vujudga keltirishga mohir bo`ladilar. O`quvchilar 
bunday o`qituvchilar to`g`risida quyidagi fikrlarni bildiradi: "Mashg`ulotlar doimo 
qiziqarli va turli shakllarda o`tadi, meni doim fikrlashga undaydi", "O`qituvchining 
o`z faniga qiziqishi meni nihoyatda hayron qoldirdi", "Mashg`ulotlar, ularda faqat 
quloq solib o`tirish emas, balki faol tarzda ishlash kerakligi uchun ham yoqadi". 
O`quvchilarning bunday baholari o`qituvchiga juda yoqadi-da - to`g`ri emasmi? 
Zotan, u aynan shunday natijaga erishish uchun ishlaydi.