Y. R. Toshmatov, Sh. A. Sulaymonov, G’. O. Mamajanov Namangan-2017

Flavonoidlarning mahsulotdan ajratib olinishi 
Ma`lumki tibbiyotda mahsulotdan ajratib olingan sof yoki 
flavonoidlarning yig’indilaridan iborat preparatlar ishlatiladi. 
Sanoatda flavonoidlarning ajratib olinishi, shu moddalarning asosan 
eruvchanligiga va boshqa xususiyatlariga ko’p jihatdan bog’liqdir. 
Masalan Yapon sofforasi g’unchalaridan rutin flavonoidini ajratib olish 
uchun mahsulotni 96% - 40% gacha bo’lgan spirtda ekstrakt qilib olinadi. 
Xatto qaynatilgan suv orqali ajratib olsa ham bo’ladi. Spirtli 
ajratmalardan spirt uchirib yuborilsa flavonoidlar cho’kmaga tushib qoladi. 

---

111 
Suvli ajratmadan esa, ajratma sovutilsa flavonoidlar cho’kadi. So’ngra 
cho’kkan flavonoidlarni qaytadan kristallantirilsa - toza flavonoid yoki 
ularning yig’indisini olish mumkin. 
Alohida flavonoidlarni kolonkali xromatografiya orqali ajratib olish 
ham mumkin va boshqa usullar ham bor. 
Agar flavonoidlar aglikon, masalan kvertsetin bo’lsa uni ajratib olish 
uchun organik erituvchilardan foydalaniladi.