O’quv rejasi

5-mavzu. Leksikologiya, frazeologiya, leksikografiya (2 soat ma’ruza, 2 soat amaliy 
mashg’ulot) 
Bir ma’noli va ko’p ma’noli so’zlar. So’zlarning bir ma’noli yoki ko’p ma’noli ekanligini aniqlay 
bilish. Ko’chma ma’noli so’zlarni aniqlash, o’z ma’nosi (asl ma’nosi) bilan qiyoslash, ma’no kuchiga 
xususiyatlarini va ma’no ko’chish turlarini izohlashga doir mashqlar va testlar. Omonimlar hodisasining 
mohiyatini bilish. Omonimlarni topib, ularning ma’nolarini aniqlash. Omonimiyani polisemizdan ajrata 
bilish. Omonimlar turlarini aniqlash ustida mashqlar va testlar. Sinonimiya. Sinonimiya hodisasining 
mohiyatini bilish. Sinonimlarni aniqlash. Berilgan so’zlar ichidan sinonimlarni topib, sinonimiya qatorini 

---

tuzish va sinonimiya qatoridan dominantani aniqlash. Berilgan so’zlarni dominanta tarzida olib, ularning 
sinonimlarini keltirish ustida mashqlar va testlar. Antonimiya. Antonimiya hodisasining mohiyatini bilish. 
Turli so’zlarga ularning antonimini topa bilish. Antonimlarning leksik-semantik xususiyatlarini izohlash, 
turlarini aniqlash ustida mashqlar va testlar. Nofaol leksika. Berilgan matndan tarixiy so’zlar, arxaik 
so’zlar va neologizmlarni topa bilish, ularning ma’nolarini aniqlash va izohlash yuzasidan mashqlar va 
testlar. Frazeologiya. Frazeologik iboralarning o’ziga xos xususiyatlarini bilish, frazeologizmlarning 
turlarini aniqlash, ularning omonimlik, sinonimlik, antonimlik xususiyatlarini izohlash bo’yicha mashqlar 
va testlar. Leksikografiya. Turli lug’atlarning xususiyatlarini bilish. Lug’at tiplari: ensiklopedik (qomusiy) 
va lingvistik, bir tilli va ko’p tilli lug’atlardan foydalanish yuzasidan mashqlar va testlar.