O’zbekistоn respublikasi оliy va o’rta maxsus ta`lim vazirligi

4-§. Marten pechlar ishining texnik-iqtisodiy ko‘rsatkichlari va  
ularning ish unumini oshirish yo‘llari 
Marten  pechlarining  ish  unumi  pech  tagligining  har  bir  kvadrat  metr 
yuzasidan  bir  sutkada  olingan  po‘lat  va  uni  olishga  sarflangan  shartli  yoqilg‘i 
miqdori bilan belgilanadi. (Hozirgi vaqtda pech tubining har bir m yuzasidan bir 
sutkada o‘rtacha 8-12 t gacha po‘lat olinib, har bir tonna po‘lat uchun 80-100 kg 
gacha  shartli  yoqilg‘i  sarflanadi.)  Marten  pechlarida  har  xil  tarkibli  shixta 
materiallaridan  turli  markali  uglerodli,  kam  va  o‘rtacha  legirlangan  po‘latlar 
olinishi uning afzalligi bo‘lsa, jarayonning uzoq vaqt davom etishi (8-10 soat) va 
yoqilg‘ining ko‘p sarflanishi esa kamchiligi hisoblanadi. 
Pechlarning  ish  unumini  oshirish  maqsadida  shixta  mate-  riallarni 
suyultirishga 
yaxshilab 
tayyorlash, 
ularni 
pechga 
yuklashni 
mexanizatsiyalashtirish,  jarayonni  avtomatik  boshqarish,  ayniqsa,  tabiiy  gaz  va 
kisloroddan  foydalanish  muhim  ahamiyatga  ega.  Tajribalar  shuni  ko‘rsatadiki, 
pechga  haydalayotgan  havoning  30%  kislorodga  to‘yinti-  rilsa,  jarayonning 
tezlashishi hisobiga ish unumi 20% ga ortib, yoqilg‘i sarfi 10-15% ga kamayadi.