Microsoft Word Tursunboyev S. O'zbek teatri tarixi. Majmua

 
Muhsin Qodirov.
 «Mehr va sehr». G’afur G’ulom 
nomidagi Adabiyot va san’at nashriyoti, 
1980-yil, 72—73-betlar. 
 
 

---

 
M.Isroyilov o’zi ijro etgan Mamat roli haqida 
Men  Muqimiy  nomidagi  musiqali  teatrning  aktyori  sifatida  uzoq  yillar  Mamat  rolini 
ijro  etib  keldim.  Kimyo  –  Ayaning  monologi  davomida  har  gal  o’zimni  igna  ustida 
turgandek xis qilardim.  
  Ayaning har bir so’zi bombadek portlar, ichki monolog borgan sari shiddatli tus olar 
edi.  “Qani,  mard  bo’lsang  kel.  Onagni  ham  o’ldir!  Pichog’ingni  senga  sut  bergan  shu 
ko’krakka  sanch!”  Ana  shu  so’zni  gapirganda,  ta`bir  joiz  bo’lsa  “yoriladi”,  yuqori  pardali 
so’zlaydi,  uning  ich-ichidan  “sanch”  so’zini  uch  marta  takrorlaydi.  Har  takrorlaganda  bu 
so’z  bir-biridan  kuchli,  alamli,  dard  bilan  aytilardi.  Men  –  Mamat  o’zimni  og’ir  ichki 
kechinmada, ichimni it tirnayotgandek, butun vujudim qaqshab, qaltirab, jahannam azobida 
yonayotgandek xis etardim. Chunki onamning, asar ishtirokchilarining, tomoshabinlarning, 
xullas,  butun  olam  nigohi  menga  qaratilgan  edi.  Kimyoning    “Pichog’ingni  senga  sut 
bergan shu ko’krakka sanch!” so’zi men – Mamatga shunday kuch bila ta`sir etardiki, men 
onajon  bas,  deb  butun  gavdam  bilan  onaning  oyog’iga  yiqilganimni  har  gal  sezmay  qolar 
edim…  Ushbu  sahnadagi  ona  monologini  Aya  shu  qadar  jo’shib,  ta`sirli  aytar  ediki, 
sahnadagilar  ham,  tomoshabinlar  ham  ho’ngrab  yig’labyuborganlarining  guvohi 
bo’lganman. 
 
Mahkam Isroilov, O’zbekistoda xizmat ko’rsatgan 
 yoshlar murabbiysi. Bir monolog ijrosi xususida  
“Teatr” jurnali 2003 y. 5 son.