Microsoft Word Tursunboyev S. O'zbek teatri tarixi. Majmua

 
Hamidjon Ikromov
, «Uchinchi talqin», «O’zbekiston 
adabiyoti va san’ati» gazetasi, 1990-yil, 13-aprel. 
 
 
NABI RAHIMOV BOBO KAYFIY ROLIDA 
Bobo Kayfiy — Nabi Rahimov sahnada paydo bo’lishi bilan hazin-hayajonli tragediya 
jonlanib  ketadi.  U  har  safar  qo’lida  asov,  yelkasida  xurjun,  mayning  taftidan  shirakayf 
ko’rinadi.  Nabi  Rahimovning  qahramoni  ko’cha-ko’yda  zikr  tushib,  izg’ib  yuradigan 
tovlamachi  firibgarlardan  emas,  aksincha,  uning  mastligi  zulm  va  xurofotga  qarshi  o’ziga 
xos  isyondir.  Tomoshabin buni dastlabki  uchrashuvdayoq anglaydi.  Bobo  Kayfiy  —  Nabi 
Rahimov  odamlar  orasida  latifago’ylik  qilishni  xush  ko’radi,  rivoyatlar  aytadi,  hammaga 
kulgu  ulashib,  o’z  rizqini  terib  yuradi.  Bordi-yu,  qallob,  daydi  darveshlarga  ko’zi  tushib 
qolgudek bo’lsa, to’satdan jazavaga tushib, darhol ularni kalaka qilishni boshlaydi. Bunday 
holatlarni  aktyor  keskin  harakatlar,  o’tkir  so’z  o’yinlari  orqali  qiyomiga  yetkazib 

---

tasvirlaydi. Bobo Kayfiy hech kimdan hayiqmaydi, qo’rqmaydi, negaki uning yo’qotadigan 
narsasi  yo’q.  Dimog’dor  amaldorlarni,  kalvak  ruhoniylarni,  har  xil  tovlamachi  chala 
mullalarni  tap  tortmasdan  zaharxanda  so’zlari  bilan  sharmanda  qiladi.  Hatto,  hukmdor 
oldida  ham  sira  o’zini  yo’qotmaydi.  Bobo  Kayfiy  —  Nabi  Rahimov  podsho  Ulug’bek 
(Sh. Burhonov)  poyiga  tiz  cho’kib  hasrat  qilmaydi,  balki  bu  olim  qarshisida  tavoze  va 
quvlik bilan dardini to’kib soladi. Bu dard bilvosita uning rostmana kesatig’larida istehzoli 
pichinglarida,  nozik  ishoralar  hamda  oshkora  qahqahasida  namoyon  bo’ladi.  Tomoshabin 
Bobo  Kayfiy  —  Nabi  Rahimovning  so’zamolligidan,  dono  va  zukkoligidan,  mard  va 
mag’rurligidan zavqlanadi, muttaham, kazzoblarni fosh qiluvchi masxara va sho’xliklaridan 
qah-qah otib kuladi. Biroq dunyo hasratlarini ko’ziga qamab, yelkasiga ortgan bu qoq suyak 
devonaning qahqahasi tomoshabinda nafaqat kulgu qo’zg’aydi, balki qachonlardir afsonaga 
aylangan  buyuk  allomalar  qismatiga  sherik  bo’lgan  «Devonalar»  fojiasi  sari  yetaklaydi. 
Shuning  uchun  ham  Bobo  Kayfiy  obrazini  bevosita  Nabi  Rahimov  yaratgan  komik 
qahramon  sirasiga  qo’shish  to’g’ri  bo’lmaydi.  San’atkorning  bu  rolda  partnyorlar  bilan 
munosabatida,  so’z  ohanglari  va  xatti-harakatlarida  atayin  tomoshabinni  kuldirishga  zo’r 
berish,  jo’n  yumor  yoki  bachkanalik  sezilmaydi.  Aktyor  barcha  ifodali  sahna  vositalarini, 
so’z  o’yini,  mimika,  plastika  va  hokazolarni  erkin  improvizatsiya  asosida  rivojlantirib, 
avvalo,  obrazning  ruhiy  kechinmalarini,  iztirobini  yuzaga  chiqarishga  sarflaydi.  Lo’nda 
qilib  aytganda,  uning  ijrosi  zaharxanda  satira,  chapdast  improvizatsiya  hamda  shiddatli 
psixologik  hamlalar  bilan  qurollangan.  Shularga  asoslanib  Bobo  Kayfiy  talqinini  Nabi 
Rahimov yaratgan psixologik obrazlar sirasiga kiritish mumkin. 
 
Omonulla Rizayev
, san’atshunoslik nomzodi, «Nabi Rahimov», 
G’afur G’ulom nomidagi Adabiyot va san’at 
nashriyoti, 1997-yil, 51—52-betlar.