1 – ma’ruza ijtimoiy ekologiya fani reja

2. Global ekologik inqirozning yuzaga kelish sabablari.  

          

         XXI asrga kelib, butun dunyo bo‘yicha ekologik inqiroz vujudga keldi 

va  bu  xolat    insoniyatni  tashvishga  solmoqda.  Xozirgi  paytda  atrof  –  muhitni 

muxofaza  qilish  va  tabiiy  resurslardan  oqilona  foydalanish  muammolari 

dolzarbligicha  qolmoqda.  Xozirgi  zamon  fan  –  texnika  taraqqiyoti  davrida  inson, 

jamiyat  va  tabiat  o‘rtasidasi  munosabatlar  keskinlashmoqda.  Natijada  murakkab 

ekologik muammolar kelib chiqmoqda.     

         Bu  muammolarni  hal  qilish,  atrof  muhitni  ifloslanishdan  saqlash,  tabiiy 

resurslardan oqilona foydalanish ko‘p jixatdan aholining ekologik madaniyati, ongi 

va  tafakkuriga  bevosita  bog‘liqdir.  Buning  uchun  yoshlarni,  ayniqsa  talabalarni 

ekologik  bilimi  va  ko‘nikmalarini  yanada  oshirish,  ijtimoiy  ekologiyaning 

qonuniyatlarini  ularning  onggiga  singdirish,  inson  bilan  tabiat  o‘rtasidagi 

munosabatlarni optimallashtirish masalalarini o‘quv dasturlari orqali ularga etkazish 

asosiy  vazifa  xisoblanadi.  Bo‘lg‘usi  mutaxassislar  tafakkurida  barqaror  ijtimoiy 

ekologik  dunyoqarashni  shakllantirish  va  ijtimoiy  ekologik  bilimlarni  hayotga 

tadbiq  qilish  yo‘llari  keng  tushuntirilishi  lozim.  Bunda  quyidagi  bilim  va 

ko‘nikmalarni  shakillantirishga  asosiy  e’tiborni  qaratish  shart:  ijtimoiy 

ekologiyaning predmeti va vazifalarini, sotsioekotizimlar tushunchasini, biosfera va 

noosfera haqidagi ta’limotlarni, hozirgi zamon ilmiy texnika taraqqiyotining salbiy 

ijtimoiy  oqibatlarini,  ayniqsa  atmosferani  ifloslanishi,  iqlim  o‘zgarishi,  tuproq 

degradatsiyasi, chiqindilarni paydo bo‘lishi, biologik xilma xillikni kamayishi kabi 

muammolarni sabablarini ko‘rsatib berish va ularni oldini olish masalalarini yoritish 

dolzarb vazifa hisoblanadi.        

Uch  minginchi  yil  kirib  kelishi  bilan    biz  yashab  turgan  dunyo  nafaqat  asrimiz 

boshiga  nisbatan,  balki  uning  o‘rtasiga      qaraganda  ham  tanib  bo‘lmas  darajada 

---

o‘zgarib ketgani ro‘y-rost ko‘rinib turibdi. Sayyoramiz qiyofasiga antropogen ta’sir 

xozir  geologik  jarayonlar  bilan  taqqoslanadigan  bo‘lib  qoldi,  ba’zi  bir  xollarda 

ulardan xam o‘tib ketadi. 

Ekologik  halokat  ko‘z  o‘ngimizda  daxshatli  taxmindan  oldini  olib  bo‘lmaydigan 

voqelikka aylanmokda. Masala faqat ana shu xalokatdan saqlanish ustida emas. Gap 

uning  tarqalishini  kamaytirish,  sayyoramizni  xozirgi  axvolga  olib  kelib  qo‘ygan 

xozirgi  zamon  sivilizatsiyaning texnogen va ijtimoiy-madaniy oqibatlari shiddatini 

to‘xtatish  ustidadir.  Lekin  bu  sodir  bo‘layotgan  voqealar  sabablari  to‘g‘risida 

o‘ylashga kechikildi, degan ma’noni bildirmaydi. Aksincha, agar o‘sha sabablarni 

oxirigacha  anglab  olinib,  uni  chuqurroq  tadqiq  kilinmasa,  salbiy  oqibatlardan 

qutulish uchun qilinadigan barcha shoshilinch choralar aksiga olib axvolni yanada 

yomonlashtirishi mumkin.  

     Aholi  sonining  o‘sishi,  fan  va texnika  taraqqiyoti,  inson  ehtiyojlarining  ortishi 

oqibatida  er  yuzida  qator  ekologik  muammolar  yuzaga  keldi.  SHu  bois,  bugungi 

kunda  sof  tabiat  haqida  gap  yuritish  mushkul.  Er  yuzidagi  o‘rmonlar  ko‘payish 

o‘rniga  tobora  qisqarib  bormoqda,  katta-katta  tabiiy  hududlar  dehqonchilik  qilish 

maqsadida  o‘zlashtirildi,  tabiat  va  havo  har  xil  chiqindi  hamda  gazlar  hisobiga 

ifloslanyapti.  Bundan  tashqari,  tabiatda  toshqinlar,  o‘rmon  yong‘inlari,  chang 

bo‘ronlari  va  boshqa  tabiiy  jarayonlar  yuz  bermoqda.  Bularning  barchasi 

pirovardida  tabiat  muvozanatiga  putur  etkazyapti.  SHu  bois,  davlatimiz  rahbari 

Birlashgan  Millatlar  Tashkiloti  Bosh  Assambleyasining  75-sessiyasida  jahon 

hamjamiyati  e’tiborini  yana  bir  bor  davrimizning  o‘tkir  muammolaridan  biri   — 

Orolbo‘yi hududidagi ekologik holatga qaratib, jumladan, bunday dedi: “Bugungi 

kunda har bir mamlakat bu jarayonning salbiy ta’sirini his etmoqda. Ming afsuski, 

bunday o‘zgarishlar Markaziy Osiyo taraqqiyotiga ham katta xavf tug‘dirmoqda”.   

Muayyan  geografik  hududning  o‘ziga  xos  iqlimi,  ijtimoiy-ekologik,  etnografik 

xususiyatlari tabiat bilan inson o‘rtasidagi o‘zaro aloqa va munosabatlar xarakterini 

belgilab beradi. 

         Ekologik  xavf  bugungi  kunda  tobora  keng  tus  olib,  er  yuzidagi  barcha 

mamlakatlarni bu haqda chuqurroq o‘ylashga majbur etmoqda. Jahon yovvoyi tabiat 

(WWF), Global Footprint Network jamg‘armalari va Londonning zoologik jamiyati 

mutaxassislari  hamkorlikda  o‘tkazgan  tadqiqot  natijalariga  ko‘ra,  1970   yildan 

buyon  dunyoda  yovvoyi  hayvon  va  qushlarning  soni  3,43  ming  turga,  tirik 

sayyoraning indeksi esa  52 foiz (havo va quruqlikda yashaydigan jonivorlar turi 76 

foiz,  er  usti   va  suvda   kun  kechiradiganlar  soni  39  foiz)  qisqargan.  Har  yili  11 

million  gektar  tropik  o‘rmon  kesilmoqda.  Yo‘qotishlar   o‘rmonlarni   tiklash 

ishlariga  nisbatan  10  barobar  ko‘pdir.  Har  kuni  atmosferaga   60  million  tonnaga 

---

yaqin karbonat angidrid chiqarilishi dunyo okeanidagi suv sathining ko‘tarilishiga 

olib kelmoqda. 

       Havo tarkibida karbonat angidridning oshishi, chiqindi gazlarning me’yoridan 

ortiq havoga chiqarib tashlanishi oqibatida issiqxona effekti hosil bo‘lib,  bugungi 

kunda  jahon  hamjamiyatini  tashvishga  solayotgan  jiddiy  ekologik  muammo  — 

global  iqlim  o‘zgarishi  yuzaga  keldi.  SHuningdek,  ozon  qatlamining  emirilishi, 

dunyo okeanining ifloslanishi, tuproq unumdor qatlamining yo‘qolib borishi, tropik 

o‘rmonlarning kesilishi, cho‘llanish, chuchuk suv manbalari va bioxilmaxillikning 

kamayishi,  maishiy  chiqindilarning  ko‘payishi,  kimyoviy  va  toksik  moddalarni 

zararsizlantirish kabi ekologik inqirozlar allaqachon  bir davlat chegarasidan chiqib, 

tom ma’noda global ekologik muammolarga aylandi. 

O‘zining  boy  va  rang-barang  

atrof-muhitiga    qaramay,    o‘nlab    yillar    davomidagi    atrof-muhitga  beparvolik 

ekologik  jihatdan  nomaqbul  iqtisodiy  siyosat  bilan  birgalikda  O‘zbekistonni  bir 

necha jiddiy ekologik inqirozlar markaziga aylantirdi. Mintaqadagi ikki  daryodan 

katta  miqdorda  suvni  sug‘orish  maqsadlari  uchun  olish,  qishloq  xo‘jaligida 

kimyoviy moddalarini keng ko‘lamda ishlatish va oqava  suvlarni  etarli  darajada  

qayta    ishlamaslik    jiddiy    miqyosdagi    salomatlik    va    ekologik  muammolarni 

keltirib  chiqarmoqda.  Atrof-muhit    muammolarining    eng    jiddiy    misoli  –  bu  

odamlar    keltirib    chiqargan    Orol    dengizi  falokatidir.  Bir  vaqtlar  jahonning 

to‘rtinchi o‘rindagi sathi 68.000 km2 bo‘lgan sho‘r suv havzasi, avval unga quyilgan 

Amudaryo  va  Sirdaryo  suvlari  sug‘orish  maqsadlari  uchun  olina  boshlanib,  1960 

yillardan beri  qisqarib  kelmoqda. 2004 yilga  kelib  dengiz  asl  sathining  choragiga  

kelib  qoldi  va  sho‘rligi qariyb besh barobar oshganligi tufayli uning tabiiy flora va 

faunasini deyarli xarob qildi. 2007 kelib  u  o‘z  asl  maydonining 10 foiziga  kelib  

qoldi  va  uch  alohida  ko‘lga  ajralib  ketdi,  ulardan ikkitasi  baliq  yashashi  uchun  

haddan  tashqari  sho‘r.  Bir  paytlar  gurkirab  turgan  baliqchilik  sanoati aslida  

barbod  bo‘ldi,  dengizning  asl  qirg‘og‘idagi  ilgarigi  baliqchilik  shaharlari  qirg‘oq  

o‘nlab kilometr  ketib  qolgandan  so‘ng  kemalar  qabristoniga  aylandi.  Asosiy  

mahalliy    sanoat  -  baliqchilikning  barbod  bo‘lishi  mintaqa  aholisiga  ishsizlik  va 

iqtisodiy  qiyinchiliklar  olib  keldi.    Qurol-yaroq  sinovi,    sanoat    tadbirlari,  

pestitsidlardan    foydalanish    va    o‘g‘itlarning    yuvilib    ketishi  natijasida    Orol  

dengizi  nihoyatda  ifloslandi.  Qurigan  dengiz  tubidan  shamol  qo‘targan  tuz  bilan 

chang  mintaqa  qishloq  xo‘jaligi  va  ekotizimiga  zarar  etkazyapti,  ichimlik  suvini  

ifloslayapti  va jiddiy salomatlik muammolarni tug‘diryapti. Dengizning chekinishi 

mahalliy iqlim o‘rgarishiga olib keldi, degan ma’lumot bor, oqibatda yoz davomi 

qisqardi,  yoz  issiqroq  va  quruq  bo‘lyapti,  qish  esa  uzayib  sovuqroq    va    qorsiz  

bo‘lyapti.  Har  yili  tonnalab  tuz 800 km  masofaga  tarqalyapti.  Orol  dengizidan 

---

qo‘tarilgan  tuz  va  chang  bo‘ronlari  Er  atmosferasidagi  zarrachalar  tarkibini  5 

foizdan ko‘pga oshirdi. Bu esa global iqlim o‘zgarishiga jiddiy ta’sir ko‘rsatdi.       

    O‘zbekistonda  2020  yilda  atmosferaga tashlamalar miqdori 2,2  mln  tonnani 

tashkil qildi: 58 foizi — transport vositalari, 42 foizi — sanoat va ishlab chiqarish 

korxonalari hissasiga to‘g‘ri keldi.