O’zbekiston respublikasi sog’liqni saqlash vazirligi tibbiy ta’lim rivojlantirish markazi

Shikastlanish va tayanch-harakat sistemasi kasalliklari 
 
Shikastlanish barcha aholi kontingentida, jumladan bolalarda ham uchraydi. 
Oxirgi yillarda yuqumli kasalliklardan ko'ra shikastlanish va baxtsiz hodisalar 
sababli bolalar nobud bo’lmoqda.  
Shikastlanish bolalar kasalligidagi asosiy sabablardan biri hisoblanadi. 
Bolalar shikastlanishi - bu yosh bolalarda uy sharoitlari, maktablar va ko’chalarda 
turli tashqi omillarning to’satdan ta'siri natijasida vujudga keladigan shikastlardir. 
Bolalar shikastlanishi sabablari va tarkibi bolalarning yoshiga, ruhiy va 
jismoniy rivoljlanishiga qarab o’zgaradi. O’zbekistonda 2009 yilda  shikastlanish 
va zaharlanishlar 100000 aholiga nisbatan 3077,0 ni tashkil etgan bo’lib, jumladan 
bolalarda 2577,1 tashkil qilgan. 
Bolalarda uchraydigan shikastlanishlarning 36% yuzaki shikastlar, 18% 
yaralar, 19,6% oyoq-qul singanlari, 10,8%  chiqqanlar, kalla suyagini sinishi-5,7%, 
kuyishlar-3,8% va boshqa shikastlar-1,1%. 
Shikastlanishlar 10 - Kasalliklarning Xalqaro tasnifi bo'yicha XIX va XX 
klassiga  kiritilgan. 
Shikastlanishlarni oldini olishda ularni keltirib chiqaradigan sabablarini 
o'rganish zarur.