B abdullayeva, M. Usmonbayeva, O’. Asqarova, F. Ehsonova, S. Hakimov

An’anaviy ta’lim (yoki klassik (mumtoz) ta’lim) 
– ta’lim turlaridan biri. Unga 
xos  muhim  jihat  –  asrlar  davomida  orttirilib,  o’zida  o’quv  axboroti  ko’rinishida 
shakllangan  bilimlarni  saqlovchi  ijtimoiy  tajribaga  tayanish  sanaladi.  Bu  turdagi 
ta’lim, asosan, o’quv materialini yodda tutishga xizmat qiladi. O’zlashtirilgan axborot 
bilim  maqomini  oladi.  Bilimlar  tizimini  hosil  qiladigan  axborotlar  o’quvchining 
boshlang’ich  va  yakuniy  o’quv  faolligi,  istiqbolda  esa  o’zlashtirilgan  bilimlarning 
amaliyotda qo’llanilishi sifatida aks etadi.     
 
Aqliy sifatlar
 – shaxs tomonidan bilimlarning o’zlashtirilganligini, ma’lumotga 
ega bo’lganlikni, aqliy qobiliyat darajasini ifodalovchi sifat, fazilat; ma’naviy-axloqiy 
sifatlarning  muayyan  ko’rinishi.  Bilimdonlik,  zukkolik,  topqirlik,  tezkor  fikrlash, 
tasavvurning  boyligi,  ijodkorlik,  geniallik,  boy  dunyoqarashga  egalik  va  sh.k. 
sifatlarga egalik ko’rinishida namoyon bo’ladi.