F. I. Salomova Bilim sohasi: 500000 – “Ijtimoiy ta’minot va sog’liqni saqlash” Ta’lim sohasi: 510000 – “Sog’liqni saqlash”

  

3.7. Kasalxona ichi infeksiyasi haqida tushuncha va ularning oldini olish 

tadbirlari 

 

Jahon  sog’liqni  saqlash  tashkilotining  tavsiyasiga  ko’ra  –  “kasalxona  ichi 

infektsiyasi – bu bemorni davolash-profilaktika muassasasiga yotqizish yoki tashrif 

etish  natijasida  yuzaga  keladigan  klinik  belgilar  bilan  namoyon  bo’ladigan 

mikrobga oid kasallikdir” 

Zamonaviy  kasalxonalar  faqatgina  bemorlarga  sifatli  tashhis  qo’yish  va 

ularni  davolashga  mo’ljallangan  bo’lmay,  balki  bemor  organizmini  tashqi 

muhitning  negativ  ta`surlaridan  muhofaza  qilish  va  atrofdagi  aholi  uchun 

kasallikning yuqishi nuqtai-nazardan xavfsiz bo’lishini ta’minlashdan iboratdir. 

Kasalxona ichi infektsiyalarining (KII) oldini olish muammosi hozirgi kunda 

dunyodagi  barcha  -  iqtisod  jihatdan  rivojlangan  va  rivojlanayotgan,  o’tish,  stabil 

---

 

132 

 

bo’lmagan va iqtisodi qoloq mamlakatlar uchun ham birdek dolzarbdir. KII tabiati 

na  faqat  davolash  sohasidagi  ijtimoiy-iqtisodiy  ta’minlanganlikning  yetarli 

darajada  emasligi  bilan,  balki  makro-  va  mikrobiotsenozlarning  yevolyutsiyasi  va 

xo’jayin organizmi va mikroflora munosabatlarining dinamikasiga ham bog’liqdir. 

KKI  o’sishi  qaysidir  bosqichda  yangi  diagnostik  va  davolash  preparatlarini  yoki 

boshqa turdagi tibbiy vositalarni qo’llash, ya’ni murakkab muolajalar va jarrohlik 

amaliyotida progessiv, lekin  mukammal  o’rganilmagan  uslublardan  foydalanishga 

bog’liq. 

Kasalxona  ichi  infektsiyalari  bilan  kasallanishning  yuqori  darajada 

saqlanishini ta’minlovchi sabablar: 

1. Infektsiya manbai va tarqalish sharoitlarining mavjudligi: 

- bakteriyatashuvchanlikning shakllanishi 

- polirezistent mikrofloraning selektsiyasi 

2.Murakkab  muolajalar  o’tkazilganda  organizmning  himoya  funksiyasining 

pasayishi: 

- xavf kontingentining o’sishi 

- artifitsial yuqish mexanizmining faollashuvi 

3.Davolash  muassasalarini  joylashtirish,  jihozlash  va  ishni  tashkil  etishdagi 

kamchiliklar: 

- rejalashtirishdagi kamchiliklar; 

- tibbiy-texnik jihozlashda samaradorlikning pastligi 

- yuqori kasb mahoratiga ega bo’lgan kadrlarning etishmasligi 

-  tibbiy  xodimlar  tomonidan  kasalxona  ichi  va  shaxsiy  gigiyena  qoidalariga  rioya 

qilmaslik