F. I. Salomova Bilim sohasi: 500000 – “Ijtimoiy ta’minot va sog’liqni saqlash” Ta’lim sohasi: 510000 – “Sog’liqni saqlash”

Kasalxonaning qabul bo’limi va palatalar bo’linmalariga gigiyenik talablar 

Bemorlarning kasalxonaga kelishi qabul bo’limlari orqali amalga oshiriladi. 

Ammo  bolalar  bo’limlari,  yuqumli  kasalliklar  bo’limi,  teri-tanosil  kasalliklari, 

ruhiy  kasalliklar va  tug’ruqxonalar uchun  alohida  qabul  bo’limlari  tashkil  etilishi 

---

 

123 

 

shart.  Boshqa  barcha  turdagi  bo’limlar  uchun  kasalxonaning  bosh  binosida 

joylashadigan umumiy qabul bo’limi xizmat ko’rsatadi.  

Qabul bo’limini qurish va jihozlashda shu narsaga e’tibor qaratish lozim-ki, 

bir kecha-kunduz davomida qabul qilinadigan bemorlar soni kasalxonaning turi va 

maqsadiga  qarab  yoki  umumiy  koykalar  sonidan  kelib  chiqqan  holda  belgilanadi: 

mas.,  sil  kasalliklar  shifoxonasida  -  2%,  tez  tibbiy  yordam  kasalxonasida  -15%, 

tug’ruqxonada  -  12%,  bolalar  bo’limi  va  qolgan  hamma  bo’limlarda  umumiy 

koykalar sonining 10% miqdorida qabul tashkil etilishi kerak. 

Unchalik  katta  bo’lmagan  shifoxonalarda  (100-200ta  o’rin)  qabul  bo’limi 

tarkibida  ko’rish  xonasi,  sanitar  propusknik,  bog’lov  xonasi,  rentgen  xonasi, 

shoshilinch  jarrohlik  ishlari  uchun  kichik  operatsiya  xonasi  va  palatalar 

(kasalxonadagi umumiy koykalar sonining 10% miqdorida) va SanQvaM-0292-11 

da ko’rsatilganidek boshqa xonalar jihozlanadi.