F. I. Salomova Bilim sohasi: 500000 – “Ijtimoiy ta’minot va sog’liqni saqlash” Ta’lim sohasi: 510000 – “Sog’liqni saqlash”

 

Damlama tayyorlash. Damlamadagi «C» vitaminini aniqlash. 

   

Dala  sharoitida  xarbiy  xizmatchilarning  ovqatlanishini  tashkil  etishning 

o’ziga  xos  xususiyati,  ular  ratsionida  "C"  vitaminining  past  miqdorlarda  bo’lishi 

hisoblanadi, ayniqsa quruq payoklar qo’llangan sharoitlarda. Shuning uchun vrach 

askarlarning 

ratsionlarini 

vitaminlar 

bo’yicha 

muvofiqlashtirish  haqida  qayg’urishi  lozim.  Buning 

uchun  askarlarga  askorbin  kislotasini  berishni  tashkil 

qilish,  u  bo’lmagan  taqdirda  o’zida  vitamin  tutuvchi 

zararsiz  o’tlardan  damlamalarni  qo’llashi  kerak. 

Bizning  tabiiy-iqlim  sharoitimizda  bunday  maqsadlar 

uchun  na’matak  donlari,  otquloq,  yalpizlar,  qoqi  gul, 

bargizub kabi o’tlardan foydalanish mumkin. 

Damlama  tayyorlash.  30-50  g  o’simlik  bargini  (1  odamga)  yuviladi, 

maydalanadi,  undan  uch  karra  ko’p  miqdordagi  sirka  kislotasi  solingan  suvga 

solinadi.  1-2  soatdan  so’ng  damlama  filtrlanadi  va  uning  sifatini  tarkibidagi 

askorbin kislotasining miqdori bo’yicha baholanadi. 

Damlamada  "C"  vitamini  miqdorini  aniqlash.  2  ml  damlamaga  2  ml  2%  li 

xlorid kislotasi solinib, 0,001 n. Tilmans bo’yog’i bilan 1 daqiqa davomida o’chib 

ketmaydigan  darajada  och  pushti  rang  hosil  bo’lguncha  titrlanadi.  Bir  vaqtning 

---

 

630 

 

o’zida  nazorat  tajribasi  ham  qo’yiladi,  buning  uchun  damlama  o’rniga  2  ml 

distillangan suv olinadi.  

100 ml damlama tarkibidagi vitamin miqdori formula bo’yicha hisoblanadi: 

X= (A-V) x 0,088 x K x 100/ 2   mg% , bu yerda  

  A  -  tajriba  uchun  olingan  damlamani  titrlash  uchun  ketgan  Tilman  bo’yog’ining 

miqdori, ml; 

V-nazorat tajribasi uchun ketgan Tilmans bo’yog’i, ml; 

0,088  -  1  ml  Tilmans  bo’yog’i  bog’laydigan  askorbin  kislotasining  mg  lardagi 

miqdori; 

K - Tilmans bo’yog’i titriga to’g’rilash koeffitsiyenti; 

100 - olingan ma’lumotni 100 ml damlamaga o’tkazish; 

2 - titrlash uchun olingan damlama miqdori; 

     Xizmatchilarga  damlamani  berish  askorbin  kislotasining  1 

kunlik  ehtiyoji  ya’ni  70  mg  dan  kam  bo’lmagan  hisobda 

beriladi. Mas., agar damlama tarkibida "C" vitaminining miqdori 

50mg% bo’lsa, harbiy xizmatchiga kuniga 140 ml damlama berilishi kerak.