Махсус таълим вазирлиги мирзо улуғбек номидаги

VII.4.2. Микроорганизмларда генетик хариталар
Кўп ҳужайрали организмларда генларнинг рекомбинацияси реципрок 
ҳолида бўлади. Микроорганизмларда эса у бир томонлама бўлади. Бир 
қатор бактерияларда, масалан, ичак таёқчаси (
Escherichia coli
) да генетик 
ахборотни ўтказиш ҳужайралар конъюгацияси вақтида рўй беради. 
Бактериянинг ягона хромосомаси ёпиқ ҳалқа шаклида бўлиб конъюгация 
вақтида маълум нуқталарида узилиш содир бўлиб, узилган қисм бир 
ҳужайрадан бошқасига ўтади. Узатилган хромосома қисмининг узунлиги 
конъюгациянинг қанчалик узоқ давом этишига боғлиқ. Хромосомада 
генларнинг кетма-кетлиги доимий бўлади. Ҳалқа шаклидаги харитада 
генлар орасидаги масофа кроссинговер фоизлари билан эмас, балки 
минутларда (55-расм) ифодаланиб конъюгациянинг давомийлигини акс 
эттиради. 

---

217 
 
55-расм. 
Esherichia coli
нинг генетик харитаси.
Генлар орасидаги масофа минутлар билан олинган. Генларнинг белгиланиши:
arg, thr, try, his, pur, ser, gly, ile – аргинин, треонин, триптофан, гистидин, пурин, 
серин, глицин, изолейцинга бўлган талаб; lac, gal – лактоза ва галактозани 
ачитиш; str – cтрептомицинга чидамлилик. 
 
VII.4.3. Хромосомаларнинг цитологик хариталарини тузиш 
 
Бунинг учун даставвал биологик объект - тадқиқ қилинадиган орга-
низм тури кариотипининг мукаммал тавсифи тузилади. Гаплоид ҳолатдаги 
хромосомалар ўлчами, шакли тасвирланади. Бундан ташқари хромосома-
ларни махсус дифференциал бўёқлар билан бўяб, уларнинг ички 
тузилишида намоён бўладиган кўндаланг турли қора чизиқ шаклидаги 
қурилмалар аниқланиб тасвирланади. Шуни алоҳида таъкидлаш зарурки, 
бундай ички тузилиш белгилари ҳар хил ногомологик хромосомаларда ҳар 
хил ва фақат ўзига хос эканлиги аниқланади. 
Юқорида баён этилган белгилар бўйича гаплоид сондаги ҳар қайси 
хромосома учун мукаммал тавсиф тартиб рақамлари қўйилади. Бундан 
кейин хромосомалар цитологик харитасини тузишнинг иккинчи ва асосий 
босқичи бошланади. Бу босқичда амалга ошириладиган ишлар 
хромосоманинг генетик харитасини тузиш билан боғлиқ ҳолда мураккаб 
цитологик методларни қўллаш орқали олиб борилади. Масалан, 
дрозофилада цитологик харита тузиш учун қуйидаги методлардан 
фойдаланилади.