Ўзбекистон республикаси фуқаролик кодексига ш а р ҳ 1-жилд

143-модда. Ишончнома олган шахснинг ишончнома бекор 
бўлганидан кейин қилган ҳаракатлари
Ишончнома олган шахснинг ишончнома бекор бўлганлигини бил-
гунча ёки билиши лозим бўлгунича қилган ҳаракатлари ишончнома 
берган шахс ёки унинг ҳуқуқий ворислари учун учинчи шахсларга 
нисбатан ўз кучини сақлаб қолади.
Ишончнома олган шахснинг ишончнома бекор бўлганлигини билган 
ёки билиши лозим бўлганидан кейин қилган ҳаракатлари ишончнома 
берган шахс учун ҳуқуқ ва мажбуриятларни вужудга келтирмайди.
Агар учинчи шахс ишончноманинг амал қилиши бекор бўлганли-
гини билган ёки билиши лозим бўлган бўлса, ушбу модданинг 
қоидалари қўлланилмайди.

---

366
I бўлим. УмУмИй қОИДАЛАР
Ишончнома Ўзбекистон Республикаси ФКнинг 141-моддасининг 
1-қисмида белгиланган ҳолатлардан бири юзага келган пайти-
дан бошлаб ўз кучини йўқотади. Вакилнинг ишончнома тугати-
лишидан кейинги фаолияти ваколатсиз вакиллик деб баҳо ланади. 
Ҳаракатларни амалга ошириш пайтида вакил ишончнома бекор 
бўлиши ҳақида билмаган ва билиши мумкин бўлмаган ҳолатлар 
бундан истисно. Бу ҳолда ваколат берувчи (унинг ҳуқуқий ворис-
лари) вакил томонидан бажарилган барча ҳаракатларни қабул қили-
ши лозим. шу билан бирга ишончноманинг бекор бўлишидан 
кейин тузилган битим низоли бўлади. Агар вакил томонидан битим 
тузилиши пайтида учинчи шахс ишончнома ўз кучини йўқотган-
лигини билган ёки билиши лозим бўлганлиги исботланган бўлса, суд 
ушбу битимни ҳақиқий эмас деб тан олиши мумкин.
144-модда. Ишончномани қайтариш мажбурияти
Ишончноманинг амал қилиши бекор бўлганидан кейин ишончнома 
олган шахс ёки унинг меросхўрлари (ҳуқуқий ворислари) дарҳол 
ишончномани қайтариб беришлари шарт.
Бекор бўлган ишончнома унинг кейинги ноқонуний ишлатилиши 
имкониятининг олдини олиш учун вакил (унинг ҳуқуқий ворислари) 
томонидан уни берган шахсга қайтариб берилиши лозим.
Ишончноманинг нусхалари, жумладан, нотариал тасдиқланган 
нусхалари эмас, фақат униг асл нусхасигина юридик кучига эга 
бўлади. Ушбу норма асосида вакилда бирор-бир сабабга кўра ишонч-
номанинг асл нусхасининг йўқлиги ишончномани бекор қилиш 
ва уни шундан кейин ваколат берувчига қайтаришнинг қатъий 
презумпциясини юзага келтиради.